Otyrys barysynda ulttyq ekonomıka mınıstri T. Súleımenovtiń, qarjy mınıstri B. Sultanovtyń, ınvestısııalar jáne damý mınıstri J. Qasymbektiń, energetıka mınıstri Q. Bozymbaevtyń, eńbek jáne halyqty áleýmettik qorǵaý mınıstri M. Ábilqasymovanyń, aqparat jáne kommýnıkasııalar mınıstri D. Abaevtyń, densaýlyq saqtaý vıse-mınıstri A. Soı men mádenıet jáne sport vıse-mınıstri E. Qojaǵapanovtyń baıandamalary tyńdaldy.
Premer-Mınıstrdiń orynbasary, aýyl sharýashylyǵy mınıstri О́. Shókeev, «Samuryq-Qazyna» UÁQ basqarma tóraǵasy A. Esimov, ulttyq kompanııalardyń basshylary óz baǵyttary boıynsha Úkimettiń keńeıtilgen otyrysynda aıtylǵan Memleket basshysynyń tapsyrmalaryn iske asyrý boıynsha jobalary týraly baıandady.
Máseleni qaraý qorytyndysy boıynsha Baqytjan Saǵyntaev máseleler QR Prezıdentiniń erekshe baqylaýynda ekenin aıtyp ótti.
«Ulttyq ekonomıka mınıstrligine múddeli memlekettik organdarmen birge jumaǵa deıingi merzimde Úkimettiń 2018 jylǵa arnalǵan jandandyrylǵan Jumys josparynyń jobasyn búgingi talqylaýdy eskere otyryp, Úkimetke engizý qajet», — dep tapsyrdy Baqytjan Saǵyntaev.
