Sýretterdi túsirgen Erlan Omar, "Egemen Qazaqstan"
Redaksııada ótken saltanatty jıynda gazet basshysy Darhan Qydyráli «Egemenniń» jaýapty hatshysy Samat Musaǵa TMD elderi Parlamentaralyq assambleıasynyń «Baspasóz jáne aqparat salasyn damytýǵa qosqan eńbegi úshin» tósbelgisin, bas redaktordyń orynbasary Seıfolla Shaıynǵazyǵa Aqparat jáne kommýnıkasııalar mınıstrliginiń «Aqparat salasynyń úzdigi» tósbelgisin, al aǵa korrektor Nurshakúl Áshimbaevaǵa mınıstrliktiń «Qurmet» gramotasyn tabys etti. Zeınet jasyna jetken S.Shaıynǵazyǵa, qurmetti demalysqa shyqqan N.Áshimbaevaǵa ujymnyń jáne kásipodaqtyń atynan tartý-taralǵy jasalyp, áriptesteri aq tilekterin jetkizdi.
Sondaı-aq osy kúni «Egemen» ujymy Qyzylorda oblysyndaǵy menshikti tilshisi qyzmetin atqaryp kelgen Erjan Baıtileske tilektestigin bildirip, redaksııanyń «Qurmet» gramotasymen marapattady.
