Qazaqstan • 15 Aqpan, 2018

Ulttyq Bank habarlaıdy, túsinikteme beredi, túsindiredi

232 retkórsetildi

Aqparattyq ashyqtyq qaǵıdaty – QR Ulttyq Bankiniń qyzmetindegi basymdyqtardyń biri. Qarjy retteýshisiniń basshylyǵy naryqqa qatysýshylarmen jáne qarjylyq qyzmetterdi tutynýshylarmen turaqty baılanysta bolý úshin aýqymdy quraldar tizbesin paıdalanýda.

QR Ulttyq Bankiniń tór­aǵasy Danııar Aqyshev 2017 jyldyń kúzinde Qazaqstan qarjygerleriniń kongresinde sóz sóılegen kezde ózi basqaratyn vedomstvo jumysynda júıelilik, aıqyndyq jáne boljamdylyq sııaqty qaǵıdatty qatań túrde ustanatynyn málimdedi. Bul rette aıqyndyq pen aqparat­tyq ashyqtyq sánge erý retinde emes, pragmatıkalyq praktıkalyq paıymdaýǵa oraı negizgi basymdyq boldy. Qarjy naryǵyna kásibı qatysýshylarda jáne halyqta aqparattyń jetispeýshiligi naryqta dúrbeleń týdyryp, tutynýshylyq jaǵdaıǵa, ol arqyly aıyrbastaý baǵamyna, depozıt naryǵyna jáne basqasyna áser etýi múmkin. Danııar Aqy­shev­tyń aıtýynsha, ortalyq banktiń aıqyndyǵy astarynda qabyldanatyn sheshimderdiń negizinde jatqan faktorlardy naqty túsindirý bar. Bul ortalyq bank pen ekonomıka sýbektileri arasyndaǵy aqparattyq assımetrııany tómendetýge jáne olarda ońtaıly kútýler qalyptastyrýǵa jaǵdaı jasaıdy. Ortalyq banktiń aqparattyq ashyqtyǵy jáne naryqqa qatysýshylardyń keıingi is-qımyldary týraly habardar bolýy joǵary bolǵan saıyn, ekonomıka sýbektileriniń aqsha-kredıt saıasatyna senimi soǵurlym joǵary jáne ınflıasııalyq kútýleri tómen bolatyny burynnan belgili.

 «Biz aqsha naryǵyndaǵy operasııalar týraly, olardy qandaı da bolmasyn jaǵdaıda paıdalaný negizdiligi, yqtımal táýekelder men nátıjeler týraly aqparatty jarııa etemiz. Budan basqa, naryqqa óz saıasatynyń baǵyty týraly belgi bere otyryp, bazalyq mólsherlemege qatys­ty keıingi is-qımyl týraly baǵ­dar beremiz, valıýta naryǵy bo­ıynsha aqparatty jarııalap, on­daǵy is-áreketti jarııa etemiz. Ult­tyq Banktiń operasııalary ashyq, bul halyq úshin de, naryqqa qatysý­shylar úshin de mańyzdy, sebebi teńgeniń aıyrbas baǵamy túrli aqparatqa asa sezimtal bolyp qalý­da. Bul oraıda tek ahýal tý­raly bizdiń túsinik berýimiz, bank­terdiń klıentter arasyndaǵy túsindirme jumysy ǵana emes, qoǵammen júıeli pikir almasý da mańyzdy», dep atap ótti Danııar Aqyshev.

Ulttyq Bank óziniń aqparat­tyq jumysynda túrli aýdıtorııalarmen júıeli túrde pikir almasady. Turaqty túrde ótkiziletin baspasóz konferensııalary men BAQ-taǵy suhbattar halyqtyń aýqymdy toptaryna aqparat jetkizýge baǵyttalsa, sarapshylarmen ótkizilip otyrǵan kezde­sýler kásibı qoǵamdastyq tarapynan týyndaıtyn kez kelgen suraqtardyń jaýabyn alýǵa múmkindik beredi.

Halyqpen turaqty aq­pa­rat­tyq ózara is-qımyldyń mańyz­dy­lyǵyn túsine otyryp, QR Ulttyq Banki «QUB Online» mobıldi qosymshasyn ázirledi, ol kez kelgen paıdalanýshyǵa óte qysqa merzimde Ulttyq Bank­tiń quzyretine jatatyn búkil máse­le­ler boıynsha eń ózekti aqparat alýǵa múmkindik beredi.

«QUB Online» qosymshasy retteý­shiden jańalyqtar men ózge aqparatty jedel alýǵa múmkindik bergennen basqa, Ulttyq Banktiń mamandarymen «keri baılanys» ornatýǵa tıimdi tásil bolyp tabylady. Qosymshanyń ınteraktıvti fýnksıonaly paıdalanýshylar úshin barynsha tanymal, sebebi suraqtar qoıý jáne onlaın rejimde túsinikteme alý múmkindigin beredi. Qazaqstandyqtardyń negizgi suraqtary ekinshi deńgeıdegi bank-
ter beretin kredıtterge, sondaı-aq banknottar men monetalarǵa qatysty. О́tinishterdiń edáýir bóligi qarjylyq qyzmetterdi tutynýshylardyń quqyqtaryn qorǵaý máselelerine arnalǵan. Osy jerde kez kelgen azamat eger onyń qarjylyq qyzmetterdi tutynýshy retindegi quqyqtary buzyldy dep sanasa, shaǵym bere alady.

Sonymen birge Ulttyq Bank «QUB Online» mobıldi qosym­sha­synyń kómegimen alynatyn vedomstvo mamandarynyń konsýltasııalary aqparattyq-túsindirme sıpatynda ekendigin eske salady. Eger paıdalanýshyǵa retteýshiniń resmı jaýaby qajet bolsa, bul jaǵdaıda «Jeke jáne zańdy tulǵalardyń ótinishterin qaraý tártibi týraly» Qazaqstan Respýblıkasynyń zańynda kózdelgendeı, Ulttyq Bankke ótinish jasaý kerek.

Búgingi kúni qosymshadaǵy aqparat mynadaı bólimder boıynsha yńǵaıly ornalastyrylǵan: «Banknottar men monetalar», «Depozıtter boıynsha kepildik», «Kollektorlyq agenttikterdiń qyzmeti», «Qarjylyq qyz­met­terdi tutynýshylardyń qu­qyq­taryn qorǵaý», «Altyn quı­malar», «Ipotekalyq kredıtter», «Aıyrbastaý operasııalary», «Bankterde qyzmet kórsetý», «Tólemder», «Bankomattardyń jumysy», «Jumysqa ornalasý», «Basqa da». Taıaý kúnderi «QUB Online» qosymshasynda arnaıy bólim paıda boldy, onda QR Ulttyq Bankiniń tóraǵasy Danııar Aqyshevqa 22 aqpanǵa josparlanǵan onlaın-konferensııa sheńberinde suraq qoıýǵa bolady. Qazaqstandyqtar úsh saǵat boıy onlaın-rejimde Ulttyq Banktiń qyzmeti, júr­gizilip otyr­ǵan aqsha-kredıt saıa­saty, qarjy­lyq qyzmetter sa­la­syndaǵy qu­qyq­tardy qor­ǵaý týraly suraq­tarǵa jáne bas­qa da kóptegen máse­leler boı­ynsha jaýaptar ala alady. Budan basqa, QR Ulttyq Bankiniń basshysyna suraqtardy is-sharanyń aqparattyq seriktesi – «Kazinform» halyqaralyq aqparattyq agent­ti­giniń saıtynda, sondaı-aq Qazaqstan Ulttyq Bankiniń Facebook pen Instagram-daǵy resmı paraqshalarynda onlaın-kon­fe­­ren­sııanyń ańdatpalaryna túsi­nik­temelerde qoıýǵa bolady.

Youtube-ta kórsetiletin onlaın-konferensııa sheńberinde eń qyzyqty suraqqa konkýrs jarııalandy. Ulttyq Bank basshysy suraqtyń ózektiligin, durys ári saýatty qoıylýyn nazarǵa ala otyryp, jeńimpazdy ózi jarııalaıdy.

«QUB «Online» mobıldi qosymshasynyń App Store jáne Play Market dúkenderinde tıisinshe iOS jáne Android platformalarynda memlekettik tilde jáne orys tilinde kóshirý úshin qol­jetimdi ekendigin eske salamyz.

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar