Ońtústik Koreıadaǵy qysqy Olımpııa oıyndaryna qatysyp jatqan qazaqstandyq sportshylarǵa qoldaý kórsetý maqsatynda shańǵydan aýdandyq jarys uıymdastyryldy. Oǵan 145 mektep oqýshysy qatysty. Sharaǵa aýdan ákimi bastaǵan bir top basshylar da qoldaý kórsetip, jarys alańyna shyqty.
– Qysqy sport túrlerine biraz ýaqyt kóńil bólinbedi. Osy olqylyqtyń ornyn toltyrý úshin barlyq mektepterge shańǵy, konkı alyndy. Qazir ár mekteptiń óz komandasy bar, – deıdi aýdan ákimi Serik Arystan.
Balalardyń bos ýaqyttaryn tıimdi ótkizip, shyńdalyp ósýi úshin mundaı jarystardyń mańyzy zor. Inderlik oqýshylar aımaqtyq saıystarǵa da qatysyp, júldeli oryndar ıelenip júr. Endi odan da joǵary kórsetkishterge qol jetkizetinderine senimdi.
Baqytgúl BABASh,
«Egemen Qazaqstan»
ATYRAÝ
