Sýretti túsirgen Valerıı Býgaev
О́ńirde Indýstrıaldyq-ınnovasııalyq damý memlekettik baǵdarlamasy aıasynda jańa óndiris oryndaryn iske qosý boıynsha da jumystar jalǵasýda.
О́tken jyly jalpy kólemi 190 mlrd teńgeni quraıtyn 8 joba iske qosylsa, 500 jumys orny ashylypty. Bulardyń qatarynda Aqsýdaǵy «DANıER», Ekibastuzdaǵy «Alef trade» jáne «Evooil Kazakhstan», oblys ortylyǵyndaǵy «KıK Pavlodar», «Giessenhause» kásiporyndary bar. Oblys ákimi B. Baqaýov «Munaı-hımııa zaýytyn» jańǵyrtý jobasy- motor maılaryn K-4, K-5 ekologııalyq talaptar standarttaryna saı óndirýge múmkindik bergenin atap ótti.
- О́tken jyly óńirge 494 mlrd teńge ınvestısııa tartyldy, - dedi óńir basshysy. – Oblystyń ınvestısııalyq áleýetin arttyrý úshin «Pavlodar» ekonomıkalyq aımaǵyn damytý boıynsha jumystar júrgizilýde. Basty maqsat – alıýmınıı klasterin damytý. Sonymen birge óńirde jańa ınvestorlardy tartý, oblystyń ınvestısııalyq ımıdjin jetildirý, «bir tereze» prınsıpi boıynsha qoldanystaǵy ınvestorlardy qoldaý maqsatynda Investısııalar tartý agenttigi quryldy. Mysaly, oblystyq Investorlar keńesi, óńirlik ǵylymı-tehnologııalyq ortalyq, EKSPO-2017 aýmaǵynda «INVEST IN PAVLODAR» oblystyń ınvestısııalyq kórkemdik kórme ortalyǵy jumys istedi. Nátıjesinde 182 kompanııanyń ókilderimen kelissózder júrgizildi.
Farıda Byqaı,
«Egemen Qazaqstan»
Pavlodar
