Jel stansasyn ornatý úshin Kaspıı teńizi jaǵalaýyndaǵy Manash aýyl mańy tańdalǵan. Bul kezdeısoq emes. Zertteýlerge sáıkes, bul jerde jeldiń jyldamdyǵy sekýndyna 10-12 m/s-qa jetedi. Elektr stansasynyń turaqty jumys isteýi úshin 4 m/s jetkilikti.
Barlyǵy 36 jel týrbınasyn ornatý josparlanyp otyr. Qazirgi ýaqytta jeteýi ornatylǵan. Olardyń árqaısysynyń salmaǵy shamamen 230 tonna, bıiktigi 100 metrden asady.
- Elektr stansasy jańartylatyn energııa kózderin damytýǵa arnalǵan baǵdarlama neginde júrgizilýde. Joba jel parkterin salýǵa, sondaı-aq, «Atyraýjaryq» AQ-nyń jelilerine qosylatyn eki qosalqy stansanyń qurylysyn salýdy kózdeıdi. Jumysty «VetroEnergotehnologıı» JShS qolǵa alǵan. Jobanyń quny 12,3 mlrd teńge. Bul stansa Atyraý oblysynda óndirilgen barlyq elektr energııasynyń 13-14% paıyzyn quraıdy, - deıdi oblystyq energetıka jáne turǵyn úı kommýnaldyq sharýashylyq basqarmasynyń basshysy Jumabaı Qaraǵaev.
Baqytgúl Babash,
«Egemen Qazaqstan»
