Parlament Senatynyń Konstıtýsııalyq zańnama, sot júıesi jáne quqyq qorǵaý organdary komıteti quzyretti organdar basshylyǵymen jol qozǵalysynyń qaýipsizdigine qatysty zańnamany jetildirý jóninde kezdesý ótkizdi.
Keńesti asha otyryp, komıtet tóraǵasy Georgıı Kım jol qozǵalysy qaýipsizdigi jaǵdaıy boıynsha Eýropalyq baıandamasyna sáıkes, 50 eldiń ishinde Qazaqstan jol-kólik oqıǵalarynan jaraqattaný, adam ólimi boıynsha birinshi orynda ekendigin atap kórsetti. Sondyqtan, apat sebepterin anyqtaý jáne qoldanystaǵy zańnamany jetildirý jolymen olardyń aldyn alý jóninde sharalar qabyldaý qajettigi aıtyldy.
«Densaýlyq» memlekettik baǵdarlamasy boıynsha: sanıtarlyq avıasııa qyzmetin damytý, jyljymaly medısınalyq keshender qurý, kezdeısoq, jol-kólik oqıǵalarynda onyń ishinde, jaraqattar men avarııalar kezinde dárigerlik keshendi kómektiń modelin jasaý atap ótildi.
Úkimettik emes uıymdardyń ókilderi óz sózinde eldegi jol qozǵalysy qaýipsizdigin arttyrý boıynsha usynystar engizdi.
Dóńgelek ústeldiń qorytyndysy boıynsha jol qaýipsizdigin qamtamasyz etý tetikterin jetildirý boıynsha usynymdar qabyldandy.
