Qazaqstan • 19 Aqpan, 2018

Elbasy Qory syılyǵynyń laýreattary marapattaldy

259 ret kórsetildi

Astanadaǵy Nazarbaev ortalyǵynda Qazaqstan Respýblıkasy Tuńǵysh Prezıdenti – Elbasy Qory syılyǵynyń laýreattaryn saltanatty marapattaý rásimi ótti. 

baq.kz

Saltanatty sharaǵa Aqparat jáne kommýnıkasııalar mınıstri Dáýren Abaev, Memlekettik syı­lyq­tyń laýreaty, kompozıtor Tólegen Muhamedjanov, Máji­lis Tóraǵasynyń orynbasary Vla­dımır Bojko, Senat depýtaty Birǵanym Áıtimova sııaqty elimizge belgili óner jáne memleket qaıratkerleri qatysty.

2008 jyly Tuńǵysh Pre­zı­dent Qory ǵylym, mádenıet jáne óner salasynda talanttardy qoldaý maqsatynda óz syı­ly­ǵyn taǵaıyndaǵan bolatyn. Sodan beri úzdiksiz berilip kele jatqan bul marapat – Qordyń eń qurmetti syılyqtarynyń biri.

Syılyq baıqaý negizinde mýzyka, teatr jáne sáýlet óneri, horeografııa, kınematografııa, kórkem ádebıet, jýrnalıstıka, fızıka, matematıka, ınjenerlik, qoǵamdyq jáne gýmanıtarlyq ǵylymdar atalymdary bo­ıynsha aıryqsha shyǵarmashylyq jobalaryna jáne zamanaýı ǵylymı-zertteýlerge beriledi.

Qor syılyǵy tanymal qaı­rat­kerler úshin joǵary márte­beni taǵy bir dáleldeý bolsa, debıýtanttar úshin – ózin kór­setýdiń tamasha múmkindigi.

2017 jyldyń qorytyndysy boıynsha baıqaý komıssııasyna mádenıet jáne óner salasy bo­ıynsha 57 jumys kelse, ǵylym jáne tehnıka baǵyttary boıynsha 59 jumys túsken. Qor tóńireginde jumys isteıtin jas ǵalymdar keńesi jáne shy­ǵar­mashyl jastar keńesiniń múshe­lerinen turatyn baıqaý komıs­sııa­synyń sheshimi boıynsha 12 atalym boıynsha 21 adam laý­reat atandy. Ma­rapat­taý­dyń sal­tanatty rásiminde árbir laý­reat­qa dıplom, keýde bel­gisi jáne aq­shalaı syıaqy tabystaldy.

Jańa laýreattardy qut­tyq­taı otyryp Tuńǵysh Prezıdent – Elbasy Qorynyń atqarýshy dırektory Qanat Jumabaev: «Bul syılyq jas talanttardyń otyn jaǵyp, talaptaryna qanat bitirý úshin kerek. Elbasy árdaıym jastarǵa senim artyp, árqashan jastar elimizdiń bolashaǵy ekenin aıtyp keledi. Únemi jańa býynǵa demeý kórsetý arqyly Elbasy qazaq jastary elimizge adal qyzmet etetin azamat bolatyndaryna senedi», dedi.

Elbasy qory syılyǵynyń laýreattary qatarynda akter Berik Aıtjanov, ánshi Bıbigúl Januzaq, rejısser Eslám Nur­ta­zın, ǵalym Sultanqoja Amı­tov syndy óner, ǵylym sańlaqtary bar.

Baǵashar TURSYNBAIULY,

«Egemen Qazaqstan»

Sońǵy jańalyqtar

Shyǵysqa qar tústi

Aımaqtar • Keshe

Uqsas jańalyqtar