Memleket basshysynyń 2018 jylǵy 10 qańtardaǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn iske asyrý jónindegi sharalar týraly
Memleket basshysynyń 2018 jylǵy 10 qańtardaǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn iske asyrý maqsatynda QAÝLY ETEMIN:
1. Memleket basshysynyń 2018 jylǵy 10 qańtardaǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn iske asyrý jónindegi jalpyulttyq is-sharalar jospary (budan ári – Jalpyulttyq jospar) bekitilsin.
2. Qazaqstan Respýblıkasynyń Úkimeti:
1) Jalpyulttyq jospar is-sharalarynyń múltiksiz jáne ýaqtyly oryndalýyn, sondaı-aq Memleket basshysynyń 2018 jylǵy 10 qańtardaǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýynyń erejeleri boıynsha aqparattyq-túsindirý jumysyn júıeli negizde júrgizýdi qamtamasyz etsin;
2) esepti jyldan keıingi jyldyń 25 qańtaryna deıin Qazaqstan Respýblıkasy Prezıdentiniń Ákimshiligine Jalpyulttyq jospardyń oryndalý barysy týraly aqparat usynsyn.
3. Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdardyń, ortalyq jáne jergilikti atqarýshy organdardyń, basqa da memlekettik organdardyń birinshi basshylary Jalpyulttyq jospar is-sharalarynyń múltiksiz jáne ýaqtyly oryndalýyn qamtamasyz etsin.
4. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
5. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń Prezıdenti
N.NAZARBAEV
Astana, Aqorda, 2018 jylǵy 9 aqpan № 633
«Memleket basshysynyń 2018 jylǵy 10 qańtardaǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn iske asyrý jónindegi sharalar týraly» Qazaqstan Respýblıkasy Prezıdentiniń 2018 jylǵy 9 aqpandaǵy № 633 Jarlyǵyna
TÚSINDIRME
Qazaqstan Respýblıkasy Prezıdentiniń 2018 jylǵy 9 aqpandaǵy № 633 Jarlyǵymen «Memleket basshysynyń 2018 jylǵy 10 qańtardaǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn iske asyrý jónindegi sharalar týraly» Joldaýdy iske asyrý jónindegi jalpyulttyq is-sharalar jospary (budan ári – Jalpyulttyq jospar) bekitildi.
Áleýmettik-ekonomıkalyq damýdyń barlyq mańyzdy salalaryna qatysty Jalpyulttyq jospar Joldaýdyń negizgi on baǵyty boıynsha 97 is-sharany iske asyrýdy kózdep otyr.
Tapsyrmalardy iske asyrý zań shyǵarý jumysynyń aıtarlyqtaı kólemin, onyń ishinde bilim berý, densaýlyqty saqtaý, qorshaǵan ortany qorǵaý, kásipkerlikti yntalandyrý, tabıǵı monopolııalardy retteý, jeke tulǵalardyń tólem qabilettiligin qalpyna keltirý jáne t.b. jumysty júrgizýdi talap etedi.
Jalpyulttyq jospardy iske asyrýdy qarjylandyrý tıisti kezeńge arnalǵan memlekettik bıýdjette qarastyrylǵan qarajat, sondaı-aq Qazaqstan Respýblıkasynyń zańnamasyna sáıkes basqa qarajat kózderi sheginde júzege asyrylatyn bolady.
Qazaqstan Respýblıkasy Prezıdenti Ákimshiliginiń Strategııalyq ázirlemeler jáne taldaý ortalyǵy
