Osylaısha, Shymkenttiń front-ofısinde pedagogıkalyq quramdy irikteýdiń avtomattandyrylǵan júıesi engizildi, onyń basty artyqshylyǵy – oqý oryndaryna mamandardy irikteýdiń ashyqtyǵy. Sondaı-aq júıe ártúrli pánder boıynsha pedagogtardyń jetispeýshiliginiń tolyq kórinisin beredi.
Budan ári delegasııa S.Erýbaev atyndaǵy №24 orta mektepti aralap, memlekettik mektepterdiń 1-synyptaryna balalardy tirkeý júıeleriniń jumysymen tanysty. Qoldanysqa engizilgen elektrondy jýrnaldar men kúndelikter ata-analarǵa balalarynyń úlgerimin baqylaýǵa, oqý baǵdarlamasy men úı tapsyrmalary týraly aqparat alýǵa múmkindik beredi.
Budan ózge, onlaın-sabaqtar sekildi jańashyldyqtar shalǵaıda ornalasqan aýdandardyń mektepterindegi mamandar jetispeýshiligi máselesin sheshýge jol ashady. Endigi ınternet baılanysy arqyly oqýshylarǵa sabaq nemese muǵalimderge semınarlar ótkizýge bolady.
JOO-larda da oqý úderisin avtomattandyrý prosesi júzege asyrylyp jatyr. Máselen, M.Áýezov atyndaǵy Ońtústik Qazaqstan memlekettik ýnıversıtetinde stýdentter elektrondy portal arqyly barlyq oqý materıaldaryn, testiler men emtıhan tapsyrmalaryn júktep alyp, sabaq kestesin sol jerden qaraı alady.
Ońtústik Qazaqstan oblysynyń mektepterinde de, JOO-larynda da robotty-tehnıka synyptary ashyldy. Qazirgi tańda stýdentter startap-jobalardy ázirlep jatyr. Sonymen qatar Premer-Mınıstrdiń orynbasary Halyqqa qyzmet kórsetý ortalyǵynda bolyp, ondaǵy qyzmettiń elektrondy túrde qalaı kórsetilip jatqanymen tanysty. Aıta ketý kerek, osy jyldyń basynan beri halyqqa qyzmet kórsetý ortalyqtary 805 674 memlekettik qyzmet kórsetse, sonyń 574 319-y elektrondy formatta iske asyrylǵan.
Sapar barysynda Asqar Jumaǵalıev qala kásiporyndarynyń birinde engizilgen avtomattandyrylǵan júıemen tanysty. Munda aqparattyq tehnologııalar paıdalaný shyǵyndaryn 41%-ǵa, al elektr qýatyn tutynýdy 10 ese azaıtýǵa múmkindik beredi.
