Atalǵan brıfıngte Investısııalar jáne damý vıse-mınıstri Tımýr Toqtabaev Memleket basshysy Joldaýynyń «Indýstrııalandyrý jańa tehnologııalardy engizýdiń kóshbasshysyna aınalýy tıis» atty birinshi baǵyty aıasynda qazaqstandyq kásiporyndardyń jańa tehnologııalyq ahýaly týraly aıtyp berdi.
T.Toqtabaevtyń málimdeýinshe, Aqparat jáne kommýnıkasııalar mınıstrligi «Sıfrly Qazaqstan» memlekettik baǵdarlamasyn iske asyrýdyń basty úılestirýshi organy bolǵandyqtan ınnovasııalyq tehnologııalar parkterin osy mınıstrliktiń qaramaǵyna berý týraly sheshim qabyldanǵan. Sebebi ınnovasııalyq tehnologııalar parki aıasynda júzege asyrylatyn jobalardyń 80 paıyzy ekonomıkany sıfrlandyrýmen jáne sıfrly eksportpen tikeleı baılanysty.
Bul EKSPO-2017 bazasynda AT-startaptardyń halyqaralyq tehnoparkin tıimdi qalyptastyrýǵa ári sol parkterde aqparat jáne kommýnıkasııalar salasyn damytý úshin atqarylǵan jumystar men tehnologııalardy paıdalanýǵa múmkindik beredi.
Memleket basshysy bıylǵy Joldaýynda Almatyda ornalasqan «Alataý» ınnovasııalyq tehnologııalar parki» arnaıy ekonomıkalyq aımaǵynyń qyzmetin uıymdastyrýdy túbegeıli qaıta qaraýdy tapsyrǵan bolatyn. Osyǵan baılanysty endigi jerde ınnovasııalyq kəsiporyndarǵa arnalǵan jeńildetilgen rejimde jumys isteıtin atalǵan arnaıy ekonomıkalyq aımaq Úkimet sheshimimen tikeleı Almaty qalasynyń ákimdigine beriledi. Ol joǵary tehnologııalyq óndiris baǵyttarynyń sanyn keńeıtýmen aınalysady.
T.Toqtabaev sondaı-aq mınıstrlik qaramaǵynan ákimdikke ótkizý kezinde qyzmetkerler jumystan qysqartylmaıtynyn atap ótti. Sonymen qatar qazirgi tańda AEA-nyń ekinshi kezeńi damyp jatyr jáne onyń odan ári keńeıýi qyzmetkerler sanynyń artýyna jol ashady. «Jalpy, bul «aqyldy» tehnologııalar Almaty qalasynyń damýyna oń áser etedi», dedi vıse-mınıstr.
Málimetke súıensek, 2015-2017 jyldary jer qoınaýyn paıdalanýshylardan «Alataý» ITP» AEA-ǵa tartylǵan qarajat 3,5 mlrd teńgeden asqan. Iаǵnı, onda barlyǵy 35 kompanııa bolǵan. 2,6 mlrd teńgege 64 joba qarjylandyrylǵan. Sonyń ishinde 2015 jyly 21,4 mln teńgege 5 joba, 2016 jyly 856 mln teńgege 27 joba, 2017 jyly shamamen 1,7 mlrd teńgeden astam somaǵa 32 joba qolǵa alynǵan.
Dınara BITIK,
«Egemen Qazaqstan»
