«Bereke bastaýy» baıqaýy

Oblys ákimdigi el táýelsizdiginiń 20 jyldyǵy merekesine oraı «Bereke bastaýy» dep atalatyn aýylsharýashylyq ónimderiniń óńirlik baıqaýyn ótkizdi. Ondaǵy maqsat – óńirdegi aýyl sharýashylyǵy taýarlaryn óndirýshiler arasynan básekege qabiletti, sapaly ári rynokta suranysy mol ónimderdi óndirýshi úzdik sharýashylyqtar men kásip­oryn­dardy anyqtaý edi. Oblystyq aýyl sharýashylyǵy basqar­ma­sy tarapynan qurylǵan komıssııa baı­qaýǵa qatysýshylardyń ónimderin kórip, tanysqan soń baǵalaý qorytyndysyn shy­ǵar­dy. Baıqaý komıssııasy aýylsharýa­shy­lyq taýar óndirý­shi­leri­niń ónimderin óndiris kólemi, óndiristiń turaqtylyǵy, ótkerý rynogynyń aýqym­dy­lyǵy, aýylsharýashy­lyq jármeńkelerine turaqty túrde jetkizilýi, ónimniń sapasy jáne baǵasy boıynsha baǵalady. Sóıtip baıqaýǵa qatysqan kásip­oryndar myna nomınasııalar boıynsha jeńim­paz dep tanyldy. Sút ónimderi nomınasııasy boıynsha 1-dárejeli dıplommen «Baımenov M.S.» JShS (Sarysý aýdany), 2-dárejeli dıplommen jeke kásipker «Meshelova G.» (Jýaly aýdany) jáne 3-dárejeli dıplommen jeke kásipker «Lesnıak» (Baızaq aýdany) marapattalsa, óńdelgen sút ónimderi nomınasııasy boıynsha 1-dárejeli dıplommen «Danegýl» JShS (Taraz qalasy), 2-dárejeli dıplommen «Merki irimshik zaýyty» JShS (Merki aýdany) jáne 3-dárejeli dıplommen «SMTS Jýaly» JShS (Jýaly aýdany) qurmet bıiginen kórindi. Et ónimderi nomınasııasy boıynsha 1-dá­rejeli dıplommen «Bereke» ShQ  (T.Rys­qu­lov aýdany), 2-dárejeli dıplommen «Uly Sultan» JShS (T.Rysqulov aýdany) jáne 3-dá­rejeli dıplommen «Úrker» ShQ (Moı­yn­qum aýdany) eńbegi baǵalanyp, óńdelgen et ónimderi nomınasııasy boıynsha 1-dá­re­jeli dıplommen «Brıg Company» JShS (Qordaı aýdany), 2-dárejeli dıplommen «Et óńdeý ortalyǵy» JShS (Taraz qalasy) jáne 3-dárejeli dıplommen «Aq nıet» ShQ (Baızaq aýdany) mereıi ústem boldy. Nan ónimderi nomınasııasy boıynsha 1-dárejeli dıplommen «Jambyl nan» JShS  (Taraz qalasy), 2-dárejeli dıplommen «Aq­toǵan» ShQ (T.Rysqulov aýdany) jáne 3-dárejeli dıplommen «Rola-7» JShS (Baızaq aýdany) atalyp, jemis-kókónis ónimderi nomınasııasy boıynsha 1-dárejeli dıplommen «Shensı» JShS  (Qordaı aýdany), 2-dárejeli dıplommen «Zlıha» ShQ (Jýaly aýdany) jáne 3-dárejeli dıplommen «Qarlyǵash» ShQ (Baızaq aýdany) qýanyshqa qol jetkizdi. Sondaı-aq, «Shaýshen» ShQ (T.Rysqulov), «Oljas» ShQ (Qordaı), JK «Japaqova» (Sarysý), JK «Qarjaýova» (Jambyl), JK «Bektibaev» (Sarysý) jáne «Tájibaı Alashbaı» ShQ (Talas) eńbekteri baıqaýǵa belsendi qatysqany úshin «Alǵys hatpen» baǵalandy. Kósemáli SÁTTIBAIULY. Jambyl oblysy.