– Sońǵy eki jyl ishinde teatr úlken belesterge jetti. Shet elderge gastroldik saparlarǵa shyǵyp, birqatar shaqyrtýlar aldy. О́tken jyly 25-shi ret ótken respýblıkalyq teatr festıvalinde birinshi orynǵa ıe boldy. Osy eńbek elenip, búginde oblys ákiminiń tikeleı qoldaýymen akademııalyq ataq alyp otyrmyz. Bul bastamany Qazaqstan Teatrlar assosasııasynyń prezıdenti Asanáli Áshimovtiń ózi qoldady. Osynyń barlyǵy teatr qyzmetkerleriniń eńbegi, – deıdi teatr basshysy Berik Jamenov.
Mahambet atyndaǵy oblystyq akademııalyq drama teatr bıyl 80 jyldyq mereıtoıyn atap ótedi. Teatr basshysy, mereıtoı qarsańynda TMD men elimizdegi iri teatr ujymdarymen birlesip festıval jáne tanymal ártisterdiń qatysýymen sheberlik-saǵattary ótetinin aıtty.
Baqytgúl BABASh,
«Egemen Qazaqstan»
ATYRAÝ
