Foto: Iýrıı BEKKER
Jıynda bas qosqan birqatar qurylymdardyń basshylary Joldaýda aıqyndalǵan maqsat-mindetterdi iske asyrýdyń joldaryn saralady.
О́z pikirin ortaǵa salǵan dóńgelek ústel qatysýshylary Elbasynyń bıylǵy Joldaýy osyǵan deıingi usynylyp, elimizde retimen júzege asyrylyp kele jatqan «Máńgilik el»,«100 naqty qadam» Ult jospary, «Sıfrly Qazaqstan» sııaqty mańyzdy reformalardyń zańdy jalǵasy ekendigin aıtty. Innovasııalyq múmkindikterdi tıimdi paıdalaný arqyly halyqtyń áleýmettik-ekonomıkalyq jaǵdaıyn jaqsartý, sol arqyly elimizdi básekege qabiletti damyǵan 30 eldiń qataryna kirgizý, rýhanııat pen mádenıetti jetildirý sııaqty ıdeıalardyń barlyǵy memleketimizdi damytýshy kúsh ekenin basa aıtqan sarapshylar Joldaýda kórsetilgen 10 basymdyqtyń mańyzyna jekeleı toqtaldy.
«Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Elbasy Joldaýy aty aıtyp turǵandaı el damýynyń jańa múmkindikterine jol ashatyn qundy qujat dep esepteımin. Ekonomıkanyń kez-kelgen salasyn jańa tehnologııalarsyz elestetý múmkin emes. Meıli qarjy salasy, meıli damýdyń basqa tetikteri bolsyn aqyldy tehnologııalarǵa tikeleı táýeldi. Elimizdiń bul baǵyttaǵy betalysy Elbasy Joldaýynda erekshe aıtylyp, ony odan ári jandandyrýdyń anyq ári tıimdi joldary kórsetilgen. Ony iske asyrýda bárimiz tabandylyq tanytýymyz qajet» deıdi Almaty qalalyq Bilim basqarmasy orta bilim berý bóliminiń jetekshisi Aqmaral Aıtýarova.
Joldaýdaǵy «Adamı kapıtal-jańǵyrý negizi» bóliminiń elimiz úshin asa mańyzdy ekenin aıtqan Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń basshysy Aıgúl Baıbahanova: Bul baǵytta adam kapıtalyna baılanysty negizgi usynystar aıtylyp, tyń baǵyttar sarapqa salynǵan. Prezıdentimiz jas urpaqqa bilim berýdiń sapasyn jetildirý, jáne onyń mazmunyn zamana talabyna saı júzege asyrýdyń naqty joldaryn kórsetti. Adam kapıtalyn damytý – memleketimizdiń jarqyn bolashaǵy. Jas urpaqty básekege qabiletti etip tárbıeleý bolashaqqa salynǵan basty ınvestısııa. Bul kúni erteń-aq óz jemisin beredi. Elbasynyń bastamasymen qolǵa alynǵan ár baǵdarlamada aıqyn maqsat pen tereń ıdeıa jatyr» dep atap ótti.
Joldaýda kórsetilgen jekelegen baǵyttardyń barlyǵyn biriktiretin ortaq kúsh memleket damýy. Sondyqtan, Elbasy alǵa qoıǵan maqsattardy iske asyrýda ár qoǵam múshesi belsendilik tanytý qajet deıdi jınalǵandar.
Arman OKTIаBR,
«Egemen Qazaqstan»
