Aqtóbe oblysy ákiminiń apparat jetekshisi qyzmetin atqarǵan Altynbek Ámirǵalıev 30 qańtar kúni oblystyq kásipodaq tóraǵasy bolyp taǵaıyndalǵan edi. Arada 20 kún ótkende Aqtóbe oblysynyń ákimi Berdibek Saparbaev ókimimen, Prezıdent ákimshiliginiń kelisimimen jańa laýazymdyq qyzmetke Nurjaýǵan Qalaýov taǵaıyndaldy.
Jańa basshy Q.Jubanov atyndaǵy Aqtóbe memlekettik ýnıversıtetin tarıh pániniń muǵalimi, Orta Azııalyq ýnıversıtetin ekonomıst mamandyqtary boıynsha támamdaǵan. Eńbek jolyn 1993 jyly Temir aýdanynyń Tasqopa aýylyna qarasty Terekti sovhozynyń jumysshysy bolyp bastaǵan.
Aqtóbe oblysy ákiminiń baspasóz qyzmetiniń habarlaýynsha, ol 1998-2004 jyldary Temir aýdanynyń Altyqarasý aýylyndaǵy Altyqarasý orta mektebinde tarıh pániniń muǵalimi, Temir aýdandyq bilim berý bóliminiń ádiskeri, Temir aýdany ákimi apparatynyń áleýmettik sala jáne mádenı damý bóliminiń basshysy qyzmetterin atqarǵan. Al 2004-2006 jyldary Temir aýdany ákiminiń kómekshisi, keıin Temir aýdany ákimi apparatynyń jalpy bóliminiń basshysy bolyp eńbek etti. Sonymen qatar,Temir aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy, Shubarqudyq kenti okrýginiń ákimi, Temir aýdany ákiminiń orynbasary qyzmetterin atqarǵan. 2015 jyldyń aqpan aıynan búgingi kúnge deıin Aqtóbe oblysy Mártók aýdanynyń ákimi bolyp qyzmet etti.
