Mınıstrdiń aıtýynsha, Memleket basshysy Nursultan Nazarbaev halyqtyń pikirin eskerip, osyndaı ózgeris engizdi. Budan bólek, jańartylǵan nusqany ázirleý barysynda til mamandarynyń da, IT mamandarynyń da usynystary qarastyrylǵanyn, sol sııaqty burynǵy nusqalardan keıin mamandar naqty qaı baǵytta jumys isteý kerektigin anyqtap alǵanyn atap ótti.
Dáýren Abaev sóz arasynda jańa álipbı zaman talabyna saı ekenin ári burynǵysynan da yńǵaılyraq ekenin aıtýdy umytpady.
«Álipbıdiń jańa nusqasy onsha talqylanbady degen málimdemelermen kelispeımin. О́ıtkeni osy joly ulttyq komıssııa aıasynda bes-alty toptyń ishinde úlken jumys atqaryldy. Máselen, ózim texnıkalyq topty basqardym. Sol kezde latyn álipbıiniń apostrofpen engizý máselesin jan-jaqty qarastyrdyq, talqyladyq, onyń aınalasyndaǵy qıyndyqtardy baıqap, osy máseleni qozǵadyq. Elbasy mamandardyń aıtqanyn tyńdap, jańa nusqany qabyldady. Bul óte durys sheshim boldy», - dedi D.Abaev jýrnalısterge bergen suxbatynda.
Osy oraıda mınıstr latyn grafıkasynda apostrofty qoldanýdyń qıynshylyqtaryn da atap ótti.
«Mysaly, apostrof arnaıy belgi retinde keledi. Ony qoldanǵanda tańbalardyń arasy ashylyp ketedi. Sonyń saldarynan ǵalamtorda mátinderdi izdeý máselesi qıyndaıdy. Endi, óziniń algorıtmi bar ǵoı. Elbasy xalyqtyń osy pikirin de eskerdi. Sondyqtan latynnyń jańa nusqasy qoldaný jaǵynan tıimdi. Sosyn bir máseleni eskerý kerek, latyn álipbıiniń minsiz nusqasy joq. Ony bárimiz jaqsy bilemiz. Menińshe, qazirgi nusqa oryndy ári zaman talabyna saı keledi. Onda ǵalym lıngvısterdiń pikiri ǵana emes, IT mamandardyń keńesteri te ekserildi», - dep atap kórsetti D.Abaev.
Aıta keteıik, Aqparat jáne kommýnıkasııalar mınıstri tehnıkalyq qoldaý jáne latyn grafıkasyn jónindegi jumys tobyna jetekshilik etedi.
