Partııanyń jańa belesteri

«Nur Otan» partııasynyń ortalyq ap­pa­ratynda partııa Tóraǵasynyń birinshi oryn­basary Nurlan Nyǵmatýlın jerdiń Ońtústik polıýsine alǵashqy qazaqstandyq ekspedısııa­nyń bastalýyna baılanysty top múshelerimen kezdesti. Aıtýly oqıǵanyń el táýel­sizdiginiń 20 jyldyǵymen oraı­la­sýynyń da ózindik máni bar. Elbasy, partııa Tóraǵasy Nur­sultan Nazarbaevtyń basshy­ly­ǵy­men Qazaqstan osy jyldar ishinde zor jetistikterge qol jetkizip, qarqyndy damyp kele jat­qan elder qataryna kirdi, dep atap ótti kezdesýde sóz alǵan partııa Tóraǵasynyń birinshi oryn­basary. Partııa memleket bedelin kóteretin salmaqty jobalardy ár­qashanda qoldap keledi. Son­dyq­tan, ekspedısııa quramyna óz ókilin – «Nur Medıa» aqparattyq holdınginiń jetekshisi Qaısar Janahanovty qosý arqyly osy jobaǵa tikeleı qatysyp otyr. Top jolsaparyn «Novolazarevskaıa» stansasynan bastap, Táý­elsizdik kúni Ońtústik polıýske jetedi. Dál aıtýly kún qar­sańynda Antraktıdada Qazaqstan týy jelbireıtin bolady. Qazaq geografııa qoǵamy komandasynyń quramyna zertteýshiler de qo­syldy. Ǵalymdar Antraktıdada ornalasqan polıarlyq stansalarda bolyp, aq qurlyqtyń tabıǵat­tyq, klımattyq, ekologııalyq kórsetkishteri týraly aqparattar jınamaq. Bul sapar tek ǵylymı jaǵy­nan mańyzdy bolyp qana qoımaı, elimizdiń búkil álem aldyndaǵy abyroıyn arttyrýda da erekshe ról atqarady. Joba bastama­shy­lary – «Nur Otan» partııasy men Qazaq geografııa qoǵamy ókilderi osy arqyly qazaqstandyqtar­dyń, ásirese, jastardyń týǵan eliniń jeńisine degen maqtanysh sezimin týǵyzýdy kózdeıdi. Elbasy, partııa Tóraǵasy Nur­sultan Nazarbaevtyń atap ót­kenindeı, patrıotızm – árbir qa­zaqstandyqtyń tabysqa jetý aby­roıy jáne óz maıda­nynda qandaı jaǵdaıda bolma­syn bıikti baǵyndyrýǵa degen talpynysy. Jáne árbir azamat óziniń osy jetistigin Otanynyń atyn shy­ǵarý­ǵa, onyń álem al­dyn­daǵy bedelin kóterýge ar­naýǵa tıis. Kezdesýdi aıaqtaı kele Nurlan Nyǵmatýlın ekspedısııaǵa jerdiń Ońtústik polıýsine ilinetin «Nur Otan» partııasynyń týyn tabys etti. «Egemen-aqparat».