Zańdylyqty saqtaý máseleleri qaraldy

Keshe Memlekettik hatshy Qanat Saýdabaevtyń tóraǵa­lyq etýimen Qazaqstan Res­pýb­lıkasy Prezıdenti janyndaǵy Sybaılas jemqorlyqqa qarsy kúres máse­leleri jónindegi ko­mıssııanyń kezekti májilisi bolyp ótti. Komıssııa májilisin ashqan Qanat Saýdabaev ústi­miz­degi jylǵy bul otyrys soń­ǵy májilis ekenin, biraq sony­men qatar ol el Táýelsizdiginiń 20 jyldyǵy qarsańynda ótip otyr­ǵan­dyǵymen jáne Memleket bas­shysynyń syndarly saıa­­satynyń arqasynda bar­lyq salada úlken jetistikke jetkendigimizben mańyzdy eken­digin atap ótti. Sonyń ishinde sybaılas jemqorlyqqa qarsy kú­reste de birqatar aıtar­lyq­taı sharalar qamtyldy. Táý­el­sizdiktiń 20 jyldyǵy qarsa­ńyn­da elimiz bu­ryn­ǵy Keńes­ter odaǵy respýb­lı­kalarynyń ishinde barlyq jetistikter boı­ynsha edáýir alǵa sýy­rylyp shy­ǵyp, ásirese, sońǵy kezderi halyqaralyq qaýymdastyq ara­synda óziniń bedelin aı­ryqsha tanyta bildi. «Bizdiń elimiz Táýelsizdigimiz­diń 20 jyldyǵyn áleýmettik-eko­nomıkalyq, qoǵamdyq-saıası jáne mádenı-gýmanıtarlyq damý ba­ry­syndaǵy tamasha jetistiktermen qarsy alyp otyr. Aza­mat­tardyń quqyqtary, zańnyń pár­mendiligi jáne tártip máselesi turaqty ári júıeli túrde qam­tamasyz etiledi. Memlekettik sa­typ alýdyń zańdy­lyqtaryn saq­tap, onyń aıqyn­dylyǵyn qam­tamasyz etý bul sa­ladaǵy ma­ǵyzdy baǵyttardyń biri bolyp sanalady. Sondyqtan da bul másele búgingi májilistiń kún tártibine engizilip otyr», – dedi Memlekettik hatshy. Rasynda, bul oraıda aıtar bolsaq, Táýelsizdigimizdiń 20 jyl­dyǵy qarsańyndaǵy jetistigimiz Qazaqstandaǵy ulttyq tu­raq­tylyq, tózimdilik pen etnos­aralyq dostyq el damýynyń bir­den-bir kórsetkishi bolyp taby­lady. Ata-baba arman etken táýel­sizdigimizdiń baıandy bolýy da ultaralyq senimdilik pen dostyq qarym-qaty­nastyń berik tamyr jaıýy. Táýel­sizdik jylda­rynda atqarylǵan qyrýar ju­mys­tyń arqasynda má­denı, eko­nomıkalyq, quqyq, den­saýlyq, aýylsharýashylyq jáne t.b. qaı salada bolmasyn halyqtyń áleý­mettik jaǵdaıy artyp, turmysy túzeldi. Buǵan quqyqtyq shara­lardyń kómegi orasan boldy. So­nyń biri – Prezıdent janyndaǵy Sybaılas jemqorlyqqa qarsy kú­res máseleleri jónindegi ko­mıs­sııa­nyń kezekti májilisinde kóte­ril­gen memlekettik satyp alýdyń zańdylyqtaryn saqtaý máselesiniń de áseri mol ekendigi sózsiz. Osy­ǵan oraı komıssııa májilisinde Bas prokýror A.Daý­yl­baevtyń, Ekono­mı­kalyq qyl­mysqa jáne sybaılas jemqor­lyqqa qarsy kúres agent­ti­giniń tóraǵasy Q.Qojamjarovtyń, Res­pýblıkalyq bıýdjettiń atqa­rylýyn baqylaý jónindegi esep komıtetiniń tóraǵasy О́.О́ksik­baev­tyń esepteri tyńdaldy. Aleksandr TASBOLATOV.