Jobaǵa sáıkes bul ortalyq týrıster men kelýshiler úshin barlyq jaǵdaı jasalǵan tolyq keshen bolady. Munda ákimshilik ǵımarat, qonaqúı, sharýashylyq-turmystyq úıi sekildi birneshe ǵımarat salý josparlanyp otyr. Eki qabatty ákimshilik ǵımarat ishinde ekspozısııalyq-kórme zaldary, qor qoımasy, 100-150 oryndyq konferens-zal, zerthanalyq jáne qalpyna keltirý úı-jaıy, kitap qoımasy men elektrondy málimetter bazasy bar kitaphana ornalasady. Keshen aýmaǵynda leksııa ótetin alańdar, ashyq aspan astyndaǵy mýzeı men etnoaýyl bolady.
– Bul vızıt ortalyqtyń qurylysy elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda júrgizilýde,- dedi aımaq basshysy Nurlan Noǵaev. – Vızıt ortalyq ózge elden kelýshi týrıstter jáne ishki týrızmniń damýyna septigin tıgizip, Saraıshyq sokraldy qalashyǵyna adamdardyń nazaryn aýdarady.
Elimizdiń mádenı murasyn saqtaý úshin 2016 jyly oblys bıýdjetinen jaǵalaýdy bekitý jumystaryna 1,6 mlrd teńge bólindi. Qorǵanys bógetiniń qurylysy 2016 jyly bastaldy, 2018 jyly aıaqtalady. Bógettiń bıiktigi 3 metr, uzyndyǵy – 1500 metr.
Saraıshyq – Altyn Ordanyń alǵashqy saýda ortalyqtarynyń biri bolǵan, keıin Noǵaı Ordasynyń astanasy atandy. Saraıshyq tarıhı qalashyǵy Atyraý qalasynan 50 shaqyrym qashyqtyqta, Mahambet aýdany Saraıshyq selosynda ornalasqan. 1999 jyly «Han ordasy –Saraıshyq» memorıaldy kesheni salyndy. 1999 jyly meshit pen osy jerde 7 han jerlengeni týraly estelik taqta ornatylǵan bıiktigi 17 metr kesene turǵyzyldy.
Baqytgúl BABASh,
«Egemen Qazaqstan»,
Atyraý
