«Bıznestiń áleýmettik jaýapkershiligi aıasynda «Aqtóbe mys kompanııasymen» birlesip múgedektigi bar balalarǵa arnalǵan ońaltý ortalyǵy qurylady. Onda ata-analar men balalarǵa mamandardan bilikti kómek kórsetiledi», - dedi B.Saparbaev.
Sondaı-aq Aqtóbede aýtızmi bar balalarǵa arnalǵan ortalyq qurý jumystary júrgizilýde. Joba «Asyl Mıras» qaıyrymdylyq qorynyń qoldaýymen «Aýtızm. Álem bári úshin birdeı» baǵdarlamasy aıasynda júzege asyrylady. Qurylysty iske qosý 2018 jyldyń birinshi jartysyna josparlanǵan. Aýtızmge ushyraǵan jáne olardyń otbasylaryna arnalǵan mekemede tolyqqandy bilikti mamandardan kómek kórsetiletin jaǵdaılar jasalady. Bul jerde ata-analar aýtızmdi dıagnostıkalaý jáne emdeýge, balalardy jalpy bilim beretin mektepte oqýǵa daıyndaýǵa kómek alady. Sonymen qatar, ortalyq aýtıst balalarmen jumys jasaıtyn mamandardy daıyndaıdy.
Budan basqa, bıylǵy jyly Qazaqstanda «Analarǵa taǵzym» rýhanı-adamgershilik tárbıe ortalyǵynyń qurylysy aıaqtalady. Joba Elbasynyń «Rýhanı jańǵyrý» baǵdarlamasy aıasynda júzege asyrylýda.
Aıtyp keteıik, 2017 jyly Aqtóbede «Meıirim» jastardy áleýmettik beıimdeý ortalyǵy ashyldy. Onda 90-nan astam balalar úıiniń túlekteri turady jáne jumys isteıdi. «Sábı» jekemenshik qoǵamdyq qory «Meıirim» jastardy áleýmettik beıimdeý ortalyǵynyń qurylysyna 1,4 mlrd teńge aýdardy.
