Belarýs qyzdary estafetalyq jarysta 1:03:54.5 ýaqytymen Shvesııa (kúmis, 1:04:17.2) men Fransııany (qola, 1:04:27.6) basyp ozyp altyn medaldi jeńip aldy. Belarýs atynan óner kórsetken sportshylar qatarynda Qazaqstanda týǵan Dınara Álimbekova boldy.
Dınara 1996 jylǵy 5 qańtarda Qaraǵandy oblysyndaǵy Abaı qalasynda dúnıege kelgen. Úsh jasqa tolǵanda onyń áke-sheshesi Belarýs eline turaqty turý úshin kóship ketken. Alǵashynda ol shańǵy sportymen aınalysqan. 2008 jyly bıatlonǵa aýysady. Dınara - Jasóspirimder arasyndaǵy álem birinshiliginiń jeńimpazy (2015 jyl, áıelder estafetasy), IBU CUP kúmis júldegeri (2016 jyl, sprınt), Iýnıorlar arasyndaǵy jazǵy álem chempıonatynyń kúmis jáne qola júldegeri (2017 jyl, aralas estafeta jáne sprınt). Ol sondaı-aq, Belarýs Respýblıkasynyń sport sheberi ataǵyna qol jetkizgen.
Qazir Dınara Belarýs memlekettik dene tárbıesi ýnıversıtetiniń shańǵy sporty jáne bıatlon kafedrasynda bilim alyp jatyr.
Al Bıatlon boıynsha Qazaqstannyń áıelder quramasy Galına Vıshnevskaıa, Darıa Klımına (Pavlodar), Alına Raıkova (Aqmola oblysy) jáne Olga Poltoranına (ShQO) jalpy esepte 18 komandanyń ishinde 14-shi oryndy ıelendi (1: 14: 18.0).
