Bas prokýratýrada qylmystyq zańnamany budan ári izgilendirý máseleleri talqylandy

Bul máseleniń ózektiligi Mem­leket basshysynyń Jol­daýyn quqyq qorǵaý qyzmetin odan ári izgilendirý bóliginde júzege asyrýmen baılanysty.

Sharaǵa Konstıtýsııalyq Ke­ńes­tiń tóraǵasy Qaırat Mámı, Jo­ǵarǵy sottyń tóraǵasy Jaqyp Asanov, Prezıdenttiń kómekshisi – Qaýipsizdik Keńesiniń hatshysy Vladımır Jumaqanov, Prezıdent Ákimshiligi Basshysynyń orynbasary Talǵat Donaqov jáne Úı­les­tirý keńesiniń músheleri qa­tysty. 
Búgingi tańdaǵy sot-tergeý tá­ji­rıbesin talqylaǵan qatysý­shylar vedomstvoaralyq is-qı­myldy kúsheıtýdiń mańyz­dylyǵyn ataı otyryp, azamat­tar­dyń qorǵalýy men qaýipsizdik deńgeıin tómendetpeı, quqyq qor­ǵaý qyzmetin ári qaraı izgilen­dirýge baǵyttalǵan keshendi is-sharalardy ázirledi. 
Bas bostandyǵynan aıy­rý­ǵa balamaly bultartpaý shara­la­rynyń qoldaný aıasyn keńeıtý múmkindikteri qaraldy: qylmys boıynsha qoǵamdyq jumystar men birqatar ekonomıkalyq, laýazymdyq jáne múlikke baılanysty qylmystar boıynsha bas bostandyǵyn shekteý túrindegi jazalardy engizý, sonymen qatar aıyppul men kepil mólsherin azaıtý. 

Keńes barysynda bultartpaý sharasyn qoldaný máselesin qaraǵan kezde kúdikti men aıypta­lýshyny sıpattaıtyn mán-jaılar jıyntyǵyn jáne de ja­salǵan áreketke saı kelýin eskere oty­ryp, jekeleı túrde qaraý qajet­tiligine quqyq qorǵaý organ­dary­nyń nazaryn aýdardy. 

Qoǵamnan oqshaýlaýmen baılanysty emes bultartpaý sharalaryn keńinen jáne biryńǵaı qol­danýdy qamtamasyz etý maq­satynda Bas prokýror qylmys­tyq qýdalaý organdary basshy­lary­­nyń jáne oblys prokýror­la­rynyń atyna nusqaý daıyndady. 

Úılestirý keńesiniń qory­tyndysy boıynsha birqatar naqty usynystar ázirlendi.