Májiliske oblys ákimi Q.Kósherbaev, QR Joǵarǵy sot tóraǵasynyń keńesshisi Saǵatbek Súleımen jáne oblystyq memlekettik mekeme basshylary qatysty.
«О́zderińizge belgili, Elbasy N.Á.Nazarbaev daýlardy sottardan tys retteý ınstıtýttaryn damytýdy jalǵastyrý, usaq-túıek máseleler boıynsha daýlardy sheshý sottardan tys tártippen júrgiziletindeı tetikter qarastyrý jóninde naqty tapsyrmalar bergen bolatyn. Osyǵan oraı, Qazaqstan Respýblıkasynyń Joǵarǵy Sotymen qoǵamdaǵy daýkestik deńgeıin tómendetý, daýlardy sotsyz sheshý ınstıtýttaryn damytý, halyqqa túsindirý jumystaryn júrgizý úshin «Sotsyz tatýlasý ortalyǵyn» qurý jobasy usynylyp otyr jáne ony júzege asyrý úshin pılottyq aımaq retinde Qyzylorda oblysy belgilendi», - dedi aımaq basshysy.
Joǵarǵy sot tóraǵasynyń keńesshisi Saǵatbek Súleımenniń aıtýynsha, «Sotsyz tatýlasý ortalyǵyn» qurý jobasyn júzege asyrý úshin qazaqshylyqtyń qaımaǵy buzylmaǵan, ulttyq rýhanı qundylyqtaryn saqtaı bilgen Qyzylorda oblysynan bastaý jóninde sheshim qabyldanǵan.
«El aǵalary qoldaý kórsetedi degen senimmen, jańa jobany osynda bastaýdy jón kórdik. Joba nátıje berip, bir izge túsetin bolsa basqa da óńirlerge taratpaqshymyz. Bul bastamanyń elimiz úshin mańyzy zor, óıtkeni qazirgi tańda bolmashy daýdy kóptegen jyldar boıy sheshilmeı, qyp-qyzyl shyǵyǵa ushyraıtyn jaǵdaılar jıilep barady. Degenmen, jaqsy tájirıbemiz de az emes. Sonyń biri «N.Ilııasov» aýylynyń ardager aqsaqaldary qolǵa alǵan qoǵamdyq birlestik qyzmetin atap aıtýǵa bolady. Qarmaqshy aýdanynyń «Kómekbaev» aýlynda osy búginge deıin daý qýǵan nemese sottalǵan bir adam bolmapty. Mundaı tájirıbeni keńinen qoldaný qajet», - dep atap ótti Saǵatbek Súleımen.
Sot salasynyń ardageri Ǵalııa Shyńǵysovanyń aıtýynsha, 80-90 jyldary oblysymyzda jylyna 500-600 azamattyq is qaralatyn bolsa, qazir bir jylda qaralǵan azamattyq isterdiń sany 30 myńnan asyp ketken.
Jıyndy qorytyndylaı kele, oblys ákimi Joǵarǵy sot bastaǵan jobanyń aımaqtyń qoǵamdyq ómiri úshin mańyzdylyǵy zor ekenin atap ótip, áriptesterin sottan tys daýlardy sheshýdiń tıimdi joldaryn qarastyrýǵa shaqyrdy.
