Memlekettik hatshyǵa Fılıppın Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Karlos D.Sorreta, Chad Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Mbatna Bandjang, Ekvador Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Hýlıo Prado Espınoza, Ekvatorlyq Gvıneıa Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Hose Esono Mıcha Akeng, Nepal Federatıvtik Demokratııalyq Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Rıshı Ram Ghımıre, Argentına Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Rıkardo Ernesto Lagorıo, Meksıka Qurama Shtattarynyń Qazaqstandaǵy Tótenshe jáne ókiletti elshisi mindetin qosa atqarýshy Bernardo Kordova Tello, Iemen Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Mohammed Motahar Alashabı senim gramotalaryn tapsyrdy.
Fılıppın elshisimen áńgime barysynda Gúlshara Ábdiqalyqova qazirgi kezde Qazaqstan terrorızmnen azat álemge qol jetkizý úshin Minez-qulyq kodeksin qabyldaý jónindegi Prezıdent bastamasyn ilgeriletý jumysyn júrgizip jatqanyn aıtty.
Memlekettik hatshy Chad elshisimen kezdesýde Sahel bestik tobynyń qyzmetin terrorızmmen kúres júrgizýdiń mańyzdy tetigi retinde atap ótti.
– Qazaqstan aldyna álemdegi ozyq damyǵan 30 eldiń qataryna qosylý mindetin qoıyp otyr. Biz tehnologııalardy transfertteý jáne sheteldik seriktesterimizdi elimizdegi ınnovasııalyq jańarýlar isine tartýǵa múddelimiz, – dedi G.Ábdiqalyqova Ekvador elshisimen kezdesýde.
Ekvatorlyq Gvıneıa elshisimen kezdesý barysynda Gúlshara Ábdiqalyqova bul eldiń BUU Qaýipsizdik Keńesiniń 2018-2019 jyldardaǵy turaqty emes múshesi bolyp saılanýymen quttyqtady. Memlekettik hatshy halyqaralyq terrorızmmen jáne zorlyq-zombylyq sıpatyndaǵy ekstremızmmen kúres júrgizý basym baǵyttyń biri ekenin atap ótti.
– Aýyl sharýashylyǵy, hımııa ónerkásibi, týrızm, bank isi, kómirsýtek shıkizatyn óndirý jáne tasymaldaý yntymaqtastyqtyń perspektıvaly baǵyttary bolyp sanalady, – dedi Memlekettik hatshy Nepal elshisimen áńgimelesý kezinde.
Argentına elshisimen kezdesýde G.Ábdiqalyqova Býenos-Aıres qalasynyń 2023 jyly EKSPO kórmesin ótkizý quqyǵyn jeńip alýymen quttyqtady. Bıylǵy joldaýda Memleket basshysy Qazaqstannyń Tórtinshi ónerkásiptik revolıýsııa jaǵdaıynda odan ári damýy jónindegi mindetterdi aıqyndap bergen edi. Osy oraıda Memlekettik hatshy ınnovasııalar men sıfrlyq tehnologııalar salasyndaǵy yntymaqtastyqty damytýdyń keleshegi zor ekenin atap ótti.
– Amerıka elderi arasynda Meksıka mańyzdy seriktesimizdiń biri bolyp sanalady, – dedi Gúlshara Ábdiqalyqova osy eldiń elshisimen áńgimelesý barysynda.
Memlekettik hatshy EKSPO-2017 alańyndaǵy «Astana» halyqaralyq qarjy ortalyǵy, «Jasyl» tehnologııalardy damytý jónindegi halyqaralyq ortalyq jáne BUU qoldaýymen júzege asyrylatyn ınvestısııalyq jobalar, IT-startaptardyń halyqaralyq tehnoparki jobalary boıynsha yntymaqtasýǵa shaqyrdy.
Iemen elshisimen kezdesý kezinde Memlekettik hatshy beıbitsúıgish memleket retinde Qazaqstan áskerı ssenarııdiń óristegenin quptamaıtynyn aıtty. Bizdiń el aýmaqtyq tutastyqty, egemendikti jáne zańdy túrde saılanǵan bılikti qurmetteý qaǵıdattaryn qoldaıtynyn atap ótti.
Rásim sońynda Memlekettik hatshy Gúlshara Ábdiqalyqova elshilerdi Qazaqstandaǵy dıplomatııalyq qyzmetteriniń bastalýymen quttyqtap, tabys tiledi.
