Úndeý mátininde sońǵy kezderi qazaqstandyqtardyń qarjylyq alaıaqtyqtyń qurbanyna aınalý faktileri jıilep ketkeni aıtylady. Alaıaqtyq áreketteriniń ssenarıi boıynsha, deldal fırmalar bankten nesıe alýdy jáne alǵan qarajattyń bir bóligin ózderine berýdi usynady. Ol úshin boryshkerdiń ornyna nesıeni jaýyp, bankpen týyndaıtyn barlyq máseleni sheshýge ýáde beredi. Al aqshany alǵan soń álgi «fırmalar» taıyp turady.
«Biz jeke jáne zańdy tulǵalarǵa nesıe berý nemese jabý máselesinde úshinshi tulǵalarmen, eshqandaı deldaldyq kompanııalarmen yntymaqtastyq jasamaımyz. Bankpen nesıe qatynastary «Bankter jáne bank qyzmeti týraly» zańymen retteledi», - delingen úndeýde.
Bank ókilderiniń aıtýynsha, atalǵan kompanııalardyń qyzmetinde alaıaqtyqtyń barlyq belgileri kezdesedi, olar azamattardy aldap-arbaýǵa baǵyttalǵan. «О́tken jyldyń ózinde Qazaqstanda osy taqylettes faktiler boıynsha 11 qylmystyq is qozǵaldy. Qazir polısııa Semeıde qarjylyq alaıaqtyqtarǵa kúdikti eki fırmaǵa qatysty sotqa deıingi tergep-tekserý júrgizip jatyr», - delingen úndeý mátininde.
