Sapar aıasynda Aýstrııa Respýblıkasy Ulttyq Keńesiniń múshesi Reınhold Lopatka bastaǵan Parlament múshelerimen kezdesý boldy. Eki eldiń zań shyǵarý organdarynyń ókilderi Qazaqstan men Aýstrııa yntymaqtastyǵynyń keleshegin, saýda-ekonomıkalyq baılanystardy óristetý qajettigin, vızalyq tártipti jeńildetý múmkindikterin talqylady.
22 aqpanda EQYU PA Turaqty komıteti men jalpy komıtetteriniń otyrystary boldy. Senatorlar D. Káletaev pen T. Muqashev Saıası máseleler jáne qaýipsizdik jónindegi jalpy komıtettiń, D. Qusdáýletov Demokratııa, adam quqyqtary jáne gýmanıtarlyq máseleler jónindegi jalpy komıtettiń jumystaryna qatysty. M. Bortnık pen Q.Qaraken Ekonomıkalyq máseleler, ǵylym, tehnologııa jáne qorshaǵan orta jónindegi jalpy komıtettiń otyrystaryna qatysty.
Senat depýtaty D. Káletaev EQYU Parlamenttik Assambleıasynyń Tóraǵasy Georgıı Seretelımen kezdesti. Senator bizdiń elimizde ótken konstıtýsııalyq reforma týraly júzdesýshini habardar etti. Taraptar Qazaqstan Parlamenti men EQYU PA-nyń budan bylaıǵy yntymaqtastyǵynyń keleshegi týraly áńgime órbitti. Sondaı-aq EYQU Astana sammıtiniń muralaryn saqtaý jáne damytý, BUU Qaýipsizdik Keńesindegi Qazaqstan Respýblıkasynyń tóraǵalyq etýindegi basymdyqtar týraly da aıtyldy.
