Eki saǵatqa jýyq ýaqytqa sozylǵan esepti jıynda aımaq basshysy óńirdiń ótken jyldaǵy jetistikterin tizbelep qana qoımaı túıini tarqamaı júrgen máselelerdi de jasyrmaı aıtyp, tıisti oryndarǵa tapsyrma júktep otyrdy. Oblys ákimi Aıagóz ben Semeıde et kombınaty qurylysy bastalatynyn, О́skemende qazaqstandyq ónimderdi qytaı standartymen sertıfıkattaıtyn úlken zerthana salynatynyn, Eýropalyq damý banki arqyly oblys ortalyǵynda qoqys óńdeý zaýyty boı kóteretinin jetkizdi. О́ńirde dárigerlerdiń biliktiligin arttyryp, medısınalyq mekemelerdi jańa qurylǵylarmen jabdyqtaýǵa da kóńil bólinip otyrǵany belgili. 2016 jyly 12 dáriger (Anglııa), 2017 jyly 61 dáriger shet elde (51-i Anglııada, 10-y Polshada) oqyp kelgen-di. D.Ahmetovtiń sózine sensek, úsh jylda shet memlekette 150 dáriger sheberligin shyńdamaq. Byltyr aımaqtaǵy emhanalarǵa 9 mıllıard teńgege 1023 dana joǵary tehnologııaly qurylǵylar satyp alynǵan. Soǵan qaramastan oblystyń medısına salasynda sheshimin tappaǵan máseleler de az emes. О́ńirdiń medısına mekemelerin sıfrlandyrý turǵysyndaǵy kemshilikterdi jıynda ákimniń ózi de atap ótip, densaýlyq saqtaý basqarmasyna arnaıy baǵdarlama ázirleýdi tapsyrdy. Aımaqta qurylys qarqyn alǵanymen jumysqa kedergi keltirip turǵan jáıtter de joq emes. «Bıyl 200 kóp páterli úıdiń qurylysy bastalady. Alaıda, otyz bes úıge tıisti qujat, bes úıge qajetti kommýnıkasııa tartylmaǵan. Eki qala ákimi men qurylys basqarmasy bul baǵytta osaldyq tanytty. Orynbasarym men qala, aýdan ákimderine turǵyn úı qurylysyn aldaǵy ýaqytta bes júz myń sharshy metrge deıin jetkizýdi tapsyramyn», - dedi D.Ahmetov.
О́ńir basshysy eseptik kezdesýde oblystyń bilim salasyndaǵy jetistikterge toqtalyp, kemshilikke jol bergen aýdan men qalalardy synǵa alyp, jumysty shıratýdy júktedi. Oblys ákimi UBT tapsyrý boıynsha qala mektepteriniń kórsetkishteri tómendep, kerisinshe aýyl mektepteriniń oqýshylary bıikten kóringenin sandarmen salystyra otyryp aıtyp berdi. Bul rette Kókpekti, Aıagóz jáne Tarbaǵataı aýdandaryn erekshe atap ótýge bolady. Máselen, byltyr UBT tapsyrý kezinde 20 aýyl mektebi 100-den joǵary ball jınasa, qaladan tek 9 mektep qana osyndaı kórsetkishke qol jetkizipti. « Atalǵan tizimde О́skemenniń 3 mektebi júr. Semeı múlde tizimde joq. Bul óńirdegi iri qalalarda bilim sapasynyń tómendegenin kórsetedi», - dedi aımaq basshysy.
О́ńir mektepterin bitirgen túlekterdiń shet elge, onyń ishinde Reseıdiń joǵary oqý oryndaryna ketip jatqany da jıynda nazardan tys qalmady. D.Ahmetov 11 jyl baǵyp-qaǵyp, tálim-tárbıe bergen oqýshylarymyzdyń ózge elge ketýine jol bermes úshin óńirde «Bilikti maman» atty arnaıy baǵdarlama ázirlenip, 2017 jyly 200, bıyl da osyndaı kólemde grant bólingenin tilge tıek etti.
Oblys ákiminiń esebi aıaqtalǵannan keıin suraq-jaýapqa kezek berildi. Alaıda suraǵyn qoıǵansha aımaq basshysynyń atqarǵan jumystaryn jipke tizip, ýaqytty alyp, zaldaǵy jurtty jalyqtyrǵan turǵyndar da boldy. Qoıar saýalynan aıtar maqtaýy kóp turǵyndardy «Alǵysty maǵan emes, Elbasyǵa aıtyńyzdar. О́ńirdegi jumystardyń barlyǵy Memleket basshysynyń tapsyrmasy negizinde atqarylyp jatyr» dep óńir basshysynyń ózi áreń toqtatyp, Semeıdegi radıologııalyq ortalyqtyń qurylysy men Zaısandaǵy Shilikti qorymyna mýzeıdiń qashan salynatyny sekildi ózekti saýaldardy qoıǵan adamdarǵa jan-jaqty, tushymdy jaýap qaıtardy.
Kerek derek
2017 jyly oblysta 380 myń sharshy metr turǵyn úı paıdalanýǵa berildi. 46 mıllıard teńgege 357 shaqyrym jol jóndeldi. 8,3 mıllıard teńge qarjyǵa 17 myń turǵyny bar 21 eldi mekenge aýyz sý tartyldy. Kásipkerlikti qoldaý kartasy aıasynda 381 mılrd teńgeniń 6 jobasy júzege asyryldy.
2018 jyly 82,3 mıllıard teńge qarjyǵa «Qalbataý – Maıqapshaǵaı», «Almaty - О́skemen», «Omby-Maıqapshaǵaı», «Taskesken-Baqty», «О́skemen - Zyrıan – Rahman qaınary» joldaryn rekonstrýksııalaý, «О́skemen – Semeı», «О́skemen – Shemonaıha», «Qaraǵandy – Aıagóz», «Taskesken – Baqty», «Makanshy – Jalańashkól», «Dmıtrıevka - Borodýlıha – Shemonaıha», «Semeı-Qaraýyl» baǵyttaryndaǵy joldarǵa ortasha jóndeý jumystary júrgizilip, 1,3 mıllıon sharshy metr turǵyn úı qurylysyn paıdalanýǵa berý josparlanǵan. 14 myń halyq turatyn 11 aýyldy aýyz sýmen qamtý úshin 20 joba ázirlengen. Kásipkerlikti qoldaý kartasy aıasynda quny 114 mıllıard teńgeni quraıtyn 9 joba júzege asyrylmaq.
Azamat QASYM,
«Egemen Qazaqstan»
О́SKEMEN
