«Memlekettik qyzmetter kórsetý úderisi meılinshe ońtaılandyrylýǵa tıis. Qujattardyń merzimi men tizbesin qysqartyp, qaıtalanatyn rásimderdi joıý kerek. Bul oraıda adamnyń óziniń barýyn qajetsinbeıtin tolyq elektrondyq formatqa kóshirý kerek», dedi Mańǵystaý oblysy ákimdiginde ótken semınar-keńeste Departament basshysy N.Jannazarova.
Semınar-keńeske aýdan jáne qalalyq ákimdikterdiń apparat jetekshileri, jergilikti atqarý organdardyń memlekettik qyzmetter kórsetý salasy boıynsha jaýapty mamandary qatysty. Mańǵystaý oblysy ákimdiginiń uıymdastyrýymen ótken sharada óńir basshysynyń keńesshisi Á.Balmanova, memlekettik kórsetiletin qyzmetterdiń monıtorıngi bóliminiń basshysy T.Mankeshova men basqa da jaýapty tulǵalar baıandama jasady.
2017 jyldyń qorytyndysy boıynsha Mańǵystaý oblysynyń jergilikti atqarýshy organdary halyqqa 1 253 841 qyzmet kórsetilgen.
Departament memleket tarapynan kórsetiletin qyzmetter sapasyn únemi baqylaýda ustaıdy. 2017 jyly 50 tekseris, qoǵamdyq jáne úkimettik emes uıymdarmen birge «Jasyryn tutynýshy» ádisin qoldaný arqyly 90 astam is-shara uıymdastyryldy. Nátıjesinde halyqqa qolaıly jaǵdaı jasaý jóninde jáne anyqtalǵan kemshilikterdiń shyǵý sebepteri men olardy joıý boıynsha 444 usynys joldandy.
Sonymen qatar, N.Jannazarova barlyq memlekettik organ ókilderine qyzmet kórsetýdi elektrondy formatqa kóshirý boıynsha belsendi jumystar júrgizýdi tapsyrdy.
