úrikmenstan Prezıdenti Gýrbangýly Berdimuhamedovpen kezdesýinde eki jaqty qarym-qatynasty ári qaraı damytý jaıy talqylandy.
«Biz eki el arasyndaǵy saýda-ekonomıkalyq qatynasty odan ári tereńdetýge úlken mán berýdemiz»,-dep atap ótti A. Mamın. Ol «2017 jyly sáýirde Túrikmenstan Prezıdentiniń Qazaqstanǵa jasaǵan memlekettik sapary eki el arasyndaǵy saýda qatynasyna zor serpin bergendigin» atap ótti.
«Qazaqstan men Túrikmenstannyń Memleket basshylarynyń tapsyrmalaryna sáıkes, eki eldiń Úkimetteri ózara saýda qatynasy kólemin edáýir ulǵaıtty. Qazaqstan bul tapsyrmany odan ári júzege asyrýǵa barlyq kúsh jigerin jumsaıdy»,-dedi kezdesý barysynda QR Premer- Mınıstriniń Birinshi orynbasary.
Eki el arasyndaǵy saýda qatynasynda tranzıttik- kólik salasy, energetıka, aýyl sharýashylyǵy, mashına jasaý, temirjol kóligi mashınasyn jasaýǵa qajetti ónimderdi jetkizýge basymdyq berilip otyr.
Sonymen qatar eki el qatynasynda áskerı-tehnıkalyq jáne aeroǵaryshtyq salaǵa da basymdyq berildi.
О́z kezeginde Túrikmenstan Prezıdenti Gýrbangýly Berdimuhamedov óńirlik ınfraqurylymdyq jobalardy damytýdyń mańyzdylyǵyna toqtaldy.
«Túrikmenstan men Qazaqstan ózara tatý kórshi ǵana emes, senimdi seriktes. Bizder óńirlik ınfraqurylymdyq jobalardy belsendi damytýǵa kóńil aýdarýymyz kerek. Bul baǵytta qoldanylmaǵan áleýet mol. Máselen, «Soltústik-Ońtústik jańa temirjol dáliziniń ózi júk aǵyndaryn RF, Qytaı, Azııa-Tynyq muhıt óńiri, Parsy shyǵanaǵy elderine shyǵarýǵa úlken múmkindik áperip otyr»,-dep atap ótti G. Berdimuhamedov.
О́ńirdegi saýda qatynasyn damytýǵa qolaıly tarıftik jeńildikterge qol jetkizildi. Atap óterligi, bıylǵy qańtarda eksporttyq-ımporttyq tasymal kólemi ótken jyldyń sáıkes merzimimen salystyrǵanda eki esege artqan.
Kezdesý barysynda taraptar Halyqaralyq Araldy qutqarý Qorynyń (HAQQ) jumysytýraly máseleni de ortaǵa saldy.
Túrikmenstanǵa sapary barysynda QR Premer-Mınıstriniń Birinshi orynbasary «Túrikmenstan- Aýǵanstan- Pákistan- Indııa» gaz qubyryn tartýdyń kezekti kezeńiniń resmı ashylý saltanatyna, «Túrikmenstan- Aýǵanstan- Pákistan» baǵdaryndaǵy elektr jelisi men optıkalyq talshyqty baılanys jelisin tóseýge, «Serhetabad-Turǵyndy» jańa temirjoly qurylysynyń aıaqtalý saltanatyna qatysty.
