Eń bastysy, aǵymdaǵy jyly О́skemen men Semeı qalalarynan «Jalańashkól» stansııasyna deıin temirjol qatynasy jolǵa qoıylyp, oblystyq bıýdjet esebinen atalǵan temirjol beketinen Qabanbaı aýylyna deıingi (Alakól kóli) avtokólik joly jóndeledi. Mundaı jaǵymdy jańalyqty óńir turǵyndary aldyndaǵy eseptik kezdesýde oblys basshysy Danıal Ahmetovtiń ózi jetkizdi. «Alakól – eldiń maqtanyshy. Biz Alakóldi Túrkııa men ózge de elderdegi demalys oryndarynyń deńgeıine jetkizýge kúsh salyp jatyrmyz.
Sońǵy eki jylda jalpy somasy 4,3 mlrd teńgege oblystaǵy negizgi týrıstik oryndarǵa aparatyn avtokólik joldaryn jóndeýden ótkizdik. Sonymen qatar Abaı aýdanyndaǵy Qońyr áýlıe úńgiriniń jáne Tarbaǵataı aýdanyndaǵy Yrǵyzbaı áýlıe kesenesiniń mańyndaǵy týrıstik ınfraqurylym jaqsartyldy», - dedi oblys ákimi.
Azamat QASYM,
«Egemen Qazaqstan»
Shyǵys Qazaqstan oblysy
