Parıjde 22 qarashada EKSPO-2017 kórmesin Uıymdastyrý komıtetiniń tóraǵasy, QR Premer-Mınıstriniń orynbasary О́mirzaq Shókeev bastaǵan Qazaqstan delegasııasy Halyqaralyq kórmeler Bas assambleıasynyń mereıtoılyq 150-shi sessııasyna 2017 jylǵy kórme ótkizýge kandıdat el retinde qatysty.
Sessııada delegasııa basshysy О́mirzaq Shókeev sóz sóılep, Qazaq dalasy arqyly ótken Jibek joly ejelden biz týǵan mekendi Batys pen Shyǵysty jalǵastyrýshy etse, sońǵy 20 jyl ishinde Eýrazııa qurlyǵynyń eki bóligi – Eýropa men Azııa arasyndaǵy saýda jáne mádenı qatynastardyń edáýir deńgeıge kóterilgenin nazarǵa saldy. Al Qazaqstan bolsa, osy baılanystardyń eń toqaılasqan tusynda tur. Biz kórmege usynyp otyrǵan taqyryp – «Bolashaq energııasy» dep atalady. Munaı, gaz, kómir syndy qýat kózderiniń qorymen jáne ýran baılyǵymen álemdegi ondyqqa kiretin Qazaqstan árkez beıbit maqsatty tý etedi. О́ziniń ıadrolyq qarýdy taratpaý jónindegi beıbit bastamalarymen erekshelenetin jáne ıadrolyq qarýdyń zardabyn shekken bizdiń el qorshaǵan ortany qorǵaýdyń, atom energııasyn beıbit maqsattarǵa jumsap, adamnyń ıgiligine aınaldyrýdyń qanshalyqty mańyzdy ekenin jaqsy biledi. Al joǵarydaǵy aıtylǵan máselelerdiń álem kún tártibinde turǵany anyq, dedi.
Sessııada Qazaqstan tarapynan ózge de sheshender shyǵyp sóz sóıledi. Olardyń qatarynda Ekonomıkalyq ıntegrasııa mınıstri Janar Aıtjanova, Syrtqy ister mınıstrliginiń jaýapty hatshysy, EKSPO-2017-niń Ulttyq úılestirýshisi Rápil Joshybaev, Astana qalasy ákiminiń orynbasary Qanat Sultanbekov boldy.
Parıj sessııasynda Astanamen qatar, kórme ótkizýge talapker Belgııanyń Lej qalasynyń da usynysy qarastyryldy. Al EKSPO-2017-niń qaı qalada ótkiziletini týraly sheshim Bas assambleıanyń 2012 jyldyń jeltoqsan aıynda ótetin basqosýynda daýys berý arqyly shyǵarylatyn bolady.
«Egemen-aqparat».
