SIM-niń Sırııada soǵysty toqtatý týraly BUU qarary boıynsha málimdemesi

BUU Qaýipsizdik Keńesiniń Sırııa bo­ıynsha, osy eldegi gýmanıtarlyq jaǵdaı­dy jaqsartý úshin áskerı qı­myl­dardyń toqtatylýyn ret­teıtin qararyn qabyldaýdy quptaımyz.

Sırııanyń birqatar óńir­lerinde, sonyń ishinde Shy­ǵys Ǵýtada kóptegen beıbit azamattardyń, onyń ishinde áıelder men balalardyń ólimine ákelip soqtyrǵan zorlyq-zombylyqtyń artqany jaǵdaıynda bul qujattyń mańyzdylyǵyn atap ótemiz.

Qabyldanǵan qarardyń oryndalýy halyqaralyq quqyqqa sáıkes Sırııanyń zardap shekken aımaqtary­na gýmanıtarlyq járdem kór­setýdiń qaýipsiz jáne keder­­gisiz qoljetimdiligin qam­­ta­masyz etý úshin naqty qadam­dardyń biri bolady.

Qarardyń erejelerin toly­ǵymen saqtaýǵa shaqyra otyryp, barlyq múddeli elderden Sırııadaǵy qaqtyǵysty tez arada retteý maqsatynda qaqtyǵysýshy taraptar arasynda senim sharalaryn nyǵaıtý jolynda naqty qadamdar qabyldaýy úshin ózderiniń bedeli men yqpalynyń paıdalanýyn kútemiz.

Qazaqstan BUU Qaýipsizdik Keńesiniń turaqty emes múshesi retinde, Sırııa bo­ıynsha Astana prosesiniń tájirıbesine súıe­nip, osy eldegi ahýaldy, birin­shi kezekte Birikken Ulttar Uıymy aıasynda Jenevadaǵy kelissózderdi jalǵastyrý jáne oǵan jalpy praktıkalyq qo­l­daý kórsetý arqyly beıbit jolmen sheshýge balama joq ekenine senimdi.