Jaqynda latyn grafıkasyna negizdelgen qazaq tili álipbıiniń nusqasy resmı túrde bekitildi. Buǵan deıin bul másele mamandar men jurtshylyq arasynda birneshe márte talqyǵa tústi. Árıne bastapqyda halyq tarapynan dıgraftarǵa qatysty syn-pikirler kóptep aıtyldy. О́ıtkeni qandaı álipbı bolsa da, áýeli dybystyq júıemizge saı kelýi tıis. Sodan keıin noqatpen berilgen nusqa da kóp talqylandy. Áleýmettik jelilerde de qoǵam ashyq túrde óz pikirin bildirip, keıbir kemshilikterge qatysty oramdy oılaryn dáleldedi. Al Elbasy Jarlyǵymen bekitilgen latyn qaripteri edáýir jónge keltirilip, qoldanysqa yńǵaılanǵanyn atap aıtqan jón.
Ras, muny da qatyp qalǵan qaǵıda deýge bolmaıdy. «Kósh júre bara túzeledi» demekshi, aldaǵy ýaqytta tikeleı qoldanyp, synaqtan ótken kezde de bizdiń ólshemge qanshalyqty shaq keletindigi anyqtalady.
Endigi maqsat – emle, orfografııalyq, orfoepııalyq erejelerimizdi óte saýatty, ári sapaly etip jasaý. Sondaı-aq basqa tilden engen kirme sózderdi, termınderdi de ıkemdep jazý mindeti tur. Álem halqynyń qoldanysyndaǵy keıbir sózderdi bar dybystarmen jazyp úırenýimiz kerek. Demek, áli de jasalatyn jumystar kóp. О́tken ǵasyrdyń sarqynshaǵy, ıaǵnı, tilimizge ústemdikke jol berilmeýi qajet. Biz qazaq álipbıiniń bolashaǵy jarqyn ekenine senimdimiz.
Sherýbaı QURMANBAIULY,
termınolog ǵalym, fılologııa ǵylymdarynyń doktory, professor
