Astanada Bilim jáne ǵylym mınıstrliginiń uıymdastyrýymen halyqaralyq bedeldi 27 uıymnyń ókilderi men elimizdegi 16 shetel elshiligi qyzmetkerleriniń basyn qosqan alqaly jıyn bolyp ótti.
Basqosýda Bilim jáne ǵylym mınıstri Baqytjan Jumaǵulov «Qazaqstan Respýblıkasyndaǵy bilim men ǵylymdy damytýdyń jaı-kúıi jáne keleshegi týraly» baıandama jasap, bilim men ǵylym salasynda jetken jetistikterimizdi tilge tıek etti. Ol óz sózinde sońǵy 10 jylda bilim salasyn qarjylandyrý 7,5 esege óskendigi, bıyldyń ózinde bilimge memlekettik bıýdjetten 900 mlrd. teńge bólingeni, Táýelsizdiktiń alǵashqy jyldary-aq «Bolashaq» baǵdarlamasy jumys istep, jastardyń shetelde bilim alýyna jaǵdaı jasalynǵany, bilim salasyn damytýdyń 2011-2020 jyldarǵa arnalǵan memlekettik baǵdarlamasy túzilgeni, «Ǵylym týraly» jańa zań qabyldanyp, «Bilim týraly» zańǵa ótimdi ózgerister engizilgeni jaıly aıta kelip, joǵary bilim salasyndaǵy «Nazarbaev Ýnıversıtetiniń» ereksheligine toqtalyp ótti.
Basqosý barysynda suraq-jaýap turǵysynda áńgime órbip, bilim men ǵylymnyń aldaǵy alar asý-mindetteri talqyǵa salyndy.
Berik SADYR.
