Buǵan deıin mundaı ortalyq tek Almatyda ǵana bolatyn jáne ol erkin kúres sheberlerine arnalǵan. Al burymdy sportshylardyń akademııasy alǵash ret qurylyp otyr. Iаǵnı elordanyń ortalyǵynda ornalasqan sporttyq keshen endi ulttyq qurama múshelerine jyl on eki aı qyzmet kórsetedi. Oqý-jattyǵý jıyndaryna yńǵaıly bolý úshin munda jeke jattyǵý zaly, óz qonaqúıi jáne ashanasy bar. Al úlken zalǵa tóselgen boz kilemde negizgi jattyǵý jumystary júredi. Qazirdiń ózinde elimizdiń túkpir-túkpirinen kelgen sportshylar Azııa chempıonaty aldyndaǵy sońǵy daıyndyqtaryn pysyqtap jatyr. Qurlyqtyq doda 27 aqpan men 4 naýryz aralyǵynda Bishkekte ótedi.
Áıelder kúresinen ulttyq quramanyń bas bapkeri Qaırat Saǵadıev bul akademııanyń ulttyq quramadan tys qalǵan qosalqy quramnyń balýandary úshin óte qolaıly deıdi. «Bul akademııanyń maqsaty – aldymyzda ótetin Azııa oıyndaryna, álem chempıonattary men 2020 jyly Tokıoda ótetin Olımpıada oıyndaryna ulttyq quramadan basqa qosalqy komandanyń sheberlikterin damytý. Jarystardan kelgennen keıin komandamen taldaý jasaımyz», deıdi ol.
Akademııanyń ashylý rásimine grek-rım, erkin jáne áıelder kúresi federasııasynyń áıelder kúresi boıynsha vıse-prezıdenti Gýzel Manıýrova, Qazaqstan quramasynyń bas bapkeri Qaırat Saǵadıev, bokstan London Olımpıadasynyń chempıony Serik Sápıev pen jeńil atletıkadan Sıdneı Olımpıadasynyń jeńimpazy Olga Shıshıgına qatysyp, sportshylarǵa sáttilik tiledi.
Álı BITО́RE,
«Egemen Qazaqstan»
