Kiris alýdyń qyrlary kóp

Alqa otyrysynda 2018 jyly Jańǵyrtý 3.0 sheń­berinde «Salyqtardyń jınalýyn ulǵaıtý» jobasyn júzege asyrý, salyqtyq jáne kedendik ákimshilendirýdi jaqsartý, sotqa deıingi óndi­risti uıymdastyrýdyń sapasyn arttyrý, memlekettik kiris­ter organdarynyń quqyq qorǵaý jáne qadaǵalaýshy organdarmen, sondaı-aq bıznes-qoǵamdastyqpen ózara áreket etýiniń tıimdiligin kóterý máseleleri talqylandy.

Negizgi baıandamany jasaǵan komıtet tóraǵasy Ardaq Teń­ge­baev 2017 jyly «jyldam jeńister» úlgisindegi bir­qa­tar qysqa merzimdi is-shara­lar júzege asyrylyp, fıs­kaldyq rásimderdi ońaılatý nátıjesinde ekonomıkadaǵy kishi jáne orta bıznestiń úlesi óskendigin atap ótti.

2017 jyl úshin eńbekaqy tóleý qorynyń 400 mlrd teńgege óskeni baıqalady. Eli­mi­z­degi ortasha jalaqy 150 myń teńge dep alǵanda, bul qosymsha 223 myń jumys orny qurylǵanyn bildiredi. Osyǵan sáıkes jergilikti bıýdjet túsimderi 96 mlrd teńgege ósken eken.

Ardaq Teńgebaev memle­kettik qyzmet kórsetýler jáne ákimshilendirý sıfr­ly formatqa kóshirilip jatqan­dyǵyn aıtty.

– «Bıznes-prosesterdi je­­ńildetý jáne jedelde­tý úshin qoldanylatyn avto­mattandyrylǵan prose­dý­ralardyń úlesi jyl saıyn artyp keledi. 2017 jyldan bastap Egov portaly arqyly barlyq memlekettik organdardyń 34 mıllıonnan astam memlekettik qyzmeti kórsetilse, munyń 17 mıllıony bizge tıesili. Demek Qazaqstandaǵy barlyq elektrondy qyzmetterdiń 50 paıyzyn memlekettik kirister organdary usynyp otyr, – dedi ol.

Jalpy alǵanda 2017 jyl­dyń qorytyndysy boıynsha bıznes qurylymdar memleket qazynasyn 8 812,0 mlrd teń­geniń salyǵymen tolyqtyrdy.

Alqa májilisinde Prezı­denttiń kómekshisi – Qaýipsizdik Keńesiniń hatshysy Vladımır Jumaqanov, Bas prokýrordyń orynbasary Erlik Kenenbaev jáne komıtettiń jaýapty qyz­metkerleri sóz alyp, atqa­ryl­ǵan jumystar men alda turǵan mindetter týraly oı bólisti.

Is-shara sońynda memle­kettik qyzmetterdi kórsetý qorytyndylary shyǵarylyp, úsh sanat boıynsha júlde berildi. Nomınasııalar boıynsha «Respýblıkanyń eń úzdik qyzmet kórsetý ortalyǵy» dep Almaty qalasyndaǵy Áýezov aýdanynyń memlekettik kirister basqarmasy, «Aýyl nemese qalada ornalasqan eń úzdik qyzmet kórsetý ortalyǵy» dep Shyǵys Qazaqstan oblysy Kýrchatov qalasynyń memle­kettik kirister basqarmasy, «Respýblıkanyń eń úzdik kedendik rásimdeý ortalyǵy» dep Almaty qalasynyń «Al­maly-KRO» kedendik beketi ta­nyldy.

Suńǵat ÁLIPBAI,
«Egemen Qazaqstan»