«Úzdik ekskýrsovod» baıqaýy ótti

Atalǵan is-sharany mekeme basshysy Rýstam Bıke­nev ashyp, saıystyń mańyz­dylyǵyna toqtalyp, barlyq qatysýshylarǵa sáttilik tiledi.

Bul is-sharany uıymdas­tyrýdaǵy maqsat mýzeıge kelýshi qonaqtar úshin, olarǵa kásibı sapaly qyzmet kórsetetin gıd mamandar daıyndaý bolyp otyr. Sonymen qatar baıqaý «Ejelgi Taraz eskertkishteri» qoryq-mýzeıiniń 20 jyldyǵyna oraı josparlanǵan is-shara­lardyń biri bolatyn.

Is-sharaǵa oblys aýmaǵyndaǵy mýzeıler, týrıstik kompanııalar, týrızm basqarmalarynan 12 qyzmetker qatysyp, baq synady. Eki kúnge sozylǵan baıqaýda barlyq qatysýshylar ózderin jaqsy jaqtarynan kórsete bildi. Baıqaý sharty boıynsha ár qatysýshy ózin 7 mınýttyq vıdeorolık arqyly úsh tilde tanystyryp, baıqaý erejeleri boıynsha saıysqa tústi.

Baıqaý qorytyndysy bo­ıynsha Jambyl atyndaǵy «Rý­hanııat» ortalyǵynyń ekskýrsovody Aınil Ábýáli bas júlde (150 000 teńge), «Ejelgi Taraz eskertkishteri» mýzeıiniń ekskýrsovody Tańsholpan Júzbaeva I oryn (100 000 teńge), Jambyl oblystyq ólketaný mýzeıiniń qyzmetkeri Jamal Aqpan II oryn (75000 teńge), osy mýzeıdiń taǵy bir qyzmetkeri Juldyz Almanova III oryndy (50 000 teńge) ıelendi. Saıyskerler ishinen «Ejelgi Taraz eskertkishteri» mýzeıiniń eki qyzmetkeri Álııa Ospanova men Aqjan Orazbaqova «Erýdıt ekskýrsovod», «Krea­tıv­ti ekskýrsovod» atalymyna, al «Ta­raztravel» týro­pera­tory­nyń qyzmetkeri Qyr­bas Bereke «Kó­rermen kózaıy­my» atalymyna ıe boldy.

Saıyskerlerdiń barlyǵyna sertıfıkattar men dıplomdar, qarjylaı syılyqtar tapsyryldy.

Almas MUHTAROV,
«Ejelgi Taraz eskertkishteri» qoryq-mýzeıiniń bólim basshysy