Eldiń latyn álipbıin qoldaǵany sonshalyqty, tipti kóptegen ǵımarattardyń mańdaıshasyndaǵy ataýdy latynǵa aýystyra bastady, olardyń qatarynda men de barmyn. Osylaısha ózim basqaryp otyrǵan Soltústik Qazaqstan oblysyndaǵy «Qazaqstan» atty iri kınoteatrdyń ataýyn latynsha «Qazaqstan» dep aýystyrǵan edim.
Jaqynda Qazaqstan Respýblıkasynyń Prezıdenti N.Á.Nazarbaev qazaq tiliniń latyn grafıkasynyń jańa nusqasyn bekitti.
Bul aldyńǵy nusqaǵa qaraǵanda áldeqaıda yńǵaıly dep sanaımyn, sebebi qazaqqa tán tól dybystar mańdaıshalarynda syzyqsha kórsetilgen, bul nusqa kóńilge qonymdy. Jalpy alǵanda, qazaq tili mindetti túrde latyn grafıkasyna kóshýi tıis.
Qazirgi ýaqytta sheteldikterdiń qazaq tilin úırenýge, qazaq mádenıetimen tanysýǵa degen qushtarlyǵy jyldan-jylǵa artyp keledi. Sondyqtan qazaq tiliniń bolashaǵy latyn grafıkasynda ekendigine senimdimin.
Sáýle MUSABAEVA,
«Qazaqstan» kınoteatrynyń dırektory
Soltústik Qazaqstan oblysy
