Qazaqstan Respýblıkasy Ortalyq saılaý komıssııasynyń qaýlysy №63/118

Astana qalasy, 2011 jylǵy 24 qarasha

2012 jylǵy 15 qańtarǵa taǵaıyndalǵan Qazaqstan Respýblıkasy máslıhattary depýtattarynyń kezekti saılaýynda Qazaqstan Respýblıkasy máslıhattarynyń depýtattyǵyna kandıdattardyń respýblıkalyq bıýdjet qarajatynan jabylatyn shyǵystarynyń normatıvterin belgileý týraly

«Qazaqstan Respýblıkasyndaǵy saılaý týraly» Qazaqstan Res­pýb­lı­kasy Konstıtýsııalyq zańynyń 28-babynyń 3, 4, 5-tarmaqtaryna, 33-b­a­bynyń 2-tarmaǵyna sáıkes Qazaqstan Respýblıkasy Ortalyq saılaý ko­mıs­sııasy qaýly etedi:

1. Qazaqstan Respýblıkasy máslıhattarynyń depýtattyǵyna kandıdattardyń respýblıkalyq bıýdjet qarajatynan jabylatyn shyǵystarynyń mynadaı normatıvteri belgilensin:

1) saılaý aldyndaǵy baǵdarlamany teledıdar arqyly baıandaý:

- oblystyq, Astana jáne Almaty qalalyq máslıhattardyń depý­tat­tyǵyna kandıdattar úshin – 135 000 (júz otyz bes myń) teńge somasynda;

- qalalyq jáne aýdandyq máslıhattardyń depýtattyǵyna kandıdattar úshin - 63 900 (alpys úsh myń toǵyz júz) teńge somasynda;

2) baǵdarlamany radıo arqyly baıandaý:

- oblystyq, Astana jáne Almaty qalalyq máslıhattardyń depýtattyǵyna kandıdattar úshin – 40 000 (qyryq myń) teńge somasynda;

- qalalyq jáne aýdandyq máslıhattardyń depýtattyǵyna kandıdattar úshin - 20 000 (jıyrma myń) teńge somasynda;

3) baspa basylymdarynda eki maqala jarııalaý:

- oblystyq, Astana jáne Almaty qalalyq máslıhattardyń depýtat­tyǵyna kandıdattar úshin – 70 200 (jetpis myń eki júz) teńge somasynda;

- qalalyq jáne aýdandyq máslıhattardyń depýtattyǵyna kandıdattar úshin - 43 200 (qyryq úsh myń eki júz) teńge somasynda;

4) saılaýshylarmen kezdesýler úshin úı-jaılar jaldaý:

- oblystyq, Astana jáne Almaty qalalyq máslıhattardyń depýtat­tyǵyna kandıdattar úshin – 34 000 (otyz tórt myń) teńge somasynda;

- qalalyq jáne aýdandyq máslıhattardyń depýtattyǵyna kandıdattar úshin - 17 000 (on jeti myń) teńge somasynda;

5) úgittik baspa materıaldaryn basyp shyǵarý:

- oblystyq, Astana jáne Almaty qalalyq máslıhattardyń depýtat­tyǵyna kandıdattar úshin – 20 000 (jıyrma myń) teńge somasynda;

- qalalyq jáne aýdandyq máslıhattardyń depýtattyǵyna kandıdattar úshin - 10 000 (on myń) teńge somasynda;

6) kóliktik shyǵystar:

- oblystyq, Astana jáne Almaty qalalyq máslıhattardyń depýtat­tyǵyna kandıdattar úshin – 50 000 (elý myń) teńge somasynda;

- qalalyq jáne aýdandyq máslıhattardyń depýtattyǵyna kandıdattar úshin - 25 000 (jıyrma bes myń) teńge somasynda.

2. Osy qaýly oblystyq, Astana jáne Almaty qalalyq saılaý komıssııalaryna jiberilsin.

3. Oblystyq, Astana jáne Almaty qalalyq saılaý komıssııalary osy qaý­l­yny tómen turǵan saılaý komıssııalarynyń jáne Qazaqstan Respýb­lıkasy máslıhattarynyń depýtattyǵyna kandıdattardyń nazaryna jetkizsin.

4. Osy qaýly buqaralyq aqparat quraldarynda jarııalansyn.

Qazaqstan Respýblıkasy Ortalyq saılaý komıssııasynyń Tóraǵasy Q. Turǵanqulov,