Sarǵaımas sátter

Aq kú­rish­tiń atasy atanǵan, eki már­te Eńbek Eri Ybyraı Jaqaev pen mo­ıyn­qumdyq shopan ata Jazylbek Qýanyshbaev aǵaly-inideı bolyp aralasqan edi. Ybekeń men Jazkeńdeı zamanynyń zańǵar-zańǵar báıterekteriniń sondaǵy ózara syılastyqtary bir-birin tolyqtyryp, dáýirdiń keskin-kelbetin kelistirip turatyn. Bes jastaı úlkendigi bar Ybekeńdi 90-ǵa taıanǵanda kárilik aınal­dyryp, seksenniń beseýine kel­gen inisi úıde otyra almaı atqa qonyp, omyraýyndaǵy qos jul­dyzy jarqyrap aǵasynyń hal-ahýalyn surap kelipti. Son­daı bir sátterden qalǵan sáýleli kadr búginde erekshe estelik bolyp, bolashaqqa óz bıiginen til qatyp turǵandaı. Sýrettiń oń jaq she­tinde turǵan Ybekeńniń jolyn qýǵan shákirti Sosıalıstik Eńbek Eri Zahıra Erjanova apaı.

Qazaq televızııasy eńbek «mar­shalynyń» ónegeli isin ár­daıym nasıhattap otyrdy. О́z kezeginde aqyn Ábdilda Tájibaev­tyń qatysýymen «Úsh báıterek» telepovesi jaryqqa shyǵyp, kó­rer­­menderge jol tartyp jatty. Ybyraı atanyń 90 jyldyǵyna arnalǵan saltanatty jıynnan ha­bar uıymdastyrylyp, kúrish ósirý­shiler mektebinen reportaj júrgi­zilip jatqan qyzý eńbek kezin­de televızııa muraǵatyna kelip túsken bul sýretti búginde siz­der­diń nazarlaryńyzǵa da usy­nyp qoıýdy jón sanadyq.

Qajy QORǴANULY,
ardager-jýrnalıst