Ceriktestik menshigindegi 2,5 gektar egistik jerdiń bir gektarynda ósirilip jatqan raýshan gúline suranys jyl ótken saıyn artyp keledi. Gúl ósirýmen aınalysatyn sharýa qojalyq 2012 jyly eki januıanyń birigýimen qurylǵan eken. Jobanyń ınvestısııalyq kuny 12 mln. teńgeni quraıdy. Sharýa qojalyǵy búginde 5 adamdy jumyspen qamtyp otyr. Maýsym kezinde mundaǵy jumysshylar sany 20-ǵa jetedi eken. Árbir qyzmetkerge 50 myń teńge kóleminde eńbekaqy tólenedi. Sharýashylyq basshylyǵy bolashaqta jylyjaı aýqymyn keńeıtýdi josparlap otyr.
- Gúldi alǵash ret 2013 jyly 0,40 gektar jylyjaıǵa egip kórdik. Sosyn gúlge degen suranysty baıqaǵan soń, jylyjaı kólemin 1 gektarǵa deıin ulǵaıttyq. 2017 jyly 45 myń dana gúl daıyndalyp, aýyl, aýdan jáne oblys kóleminde satylymǵa shyǵaryp, tabysqa keneldik. Bıyl túsim odan da jaqsy bolady degen úmittemiz, – deıdi qojalyq ıesi.
Sol jaqsy túsimnen sharýa qojalyǵy 8 - naýryz Halyqaralyq áıelder merekesi qarsańynda 50 myń dana raýshan gúlin satylymǵa shyǵarmaq.
Ǵalymjan ELShIBAI,
«Egemen Qazaqstan»
