Búgin Sh. Sarıev atyndaǵy kórkemsýret jáne qoldanbaly-sándik óner mýzeıinde sheberler kórmesiniń ashylý saltanaty ótti.
Kórmede N. Tilendıev atyndaǵy Kishi óner akademııasynyń túlekteri, búginde biri ustaz, biri jeke kásibi bar Meıirbek Jaǵypashov, Qaırat Shapbaaev, Mıras Djangýjıev jáne Asylbek Baqtııar syndy sheberler óz eńbekterin qala turǵyndaryna tanystyrdy.
- Bul bizdiń Atyraýdaǵy alǵashqy kórmemiz. Elge az da bolsa paıdamyz tısin degen nıette eńbek etip kelemiz. Negizinen, ár qazaqtyń balasy, eldiń azamaty óz salasynda myqty bolyp, ata kásipti meńgerse eldiń eńsesi bıik bolýyna qosqan úlesi zor bolady dep oılaımyn,-deıdi zerger Qaırat Shapabaev.
Kórme qonaqtary barlyq kórkemóner týyndylary: músin, zergerlik áshekeı buıymdar, grafıkalyq keskindemeler men 3D max dızaınerlik jobalarymen tanysty. Atyraý qalasynda atalǵan kórme 12 naýryzǵa deıin jalǵasady.
