«Búginde elimizdegi joǵarǵy oqý oryndarynda 530 myńnan astam stýdent oqıdy. Olardyń 30 paıyzǵa jýyǵy memlekettik grant negizinde bilim alyp jatyr. Sapaly joǵary bilim alý múmkinshilikterin arttyrý úshin mynadaı sharalardy qabyldaýdy usynamyn. 2018-2019 oqý jylynda jyl saıyn bólinetin 54 myń grantqa taǵy 20 myń memlekettik bilim granty bólinbek. Onyń ishinde tehnıkalyq mamandyqtar bakalavry úshin 11 myń, qajet bolsa odan da kóp bilim granty taǵaıyndalady. Bul tórtinshi ónerkásiptik revolıýsııa jaǵdaıyndaǵy damýdyń jańa múmkindikteri úshin myńdaǵan mamandardy daıyndaýǵa kómektesedi. Ásirese ınjener, aqparattyq júıe, robototehnıka, nanotehnologııa mamandary. Bul da bizdiń jastarymyzǵa kórsetip otyrǵan memlekettiń qamqorlyǵy», dedi prezıdent Nursultan Nazarbaev.
Aıta ketý kerek, birlesken otyrysqa Joǵarǵy Sot, Úkimet músheleri tolyq quramda, Prezıdentke tikeleı esep beretin jáne baǵynatyn organ basshylary, ulttyq kompanııalar men memlekettik uıymdar basshylary qatysyp otyr. Eske sala keteıik, 2 naýryzda Parlament Májilisiniń Tóraǵasy Nurlan Nyǵmatýlın Parlament palatalarynyń birlesken otyrysyn shaqyrý týraly О́kimge qol qoıǵan bolatyn.
Aıa О́MIRTAI,
«Egemen Qazaqstan»
