Elbasy áleýmettik-ekonomıkalyq damý mindetterin sheshý joldaryn usyna otyryp, olardyń naqty esepteýlerge negizdelgenin jáne qarjylaı qamtamasyz etiletinin aıtty.
Atap aıtqanda, qurylys salasyn damytýda turǵyn úı nesıesin qoljetimdi etý, shaǵyn jáne orta bıznesti damytýda azamattarǵa beriletin mıkronesıeleýge bólinetin somany arttyrý, jastardy jumyspen qamtamasyz etý men joǵary bilim alýǵa bólinetin granttardy kóbeıtý, jańa gaz qubyry salynatyn óńirlerde ekologııany jaqsartý, turǵyndardyń turmystyq máselelerin sheshý syndy ıdeıalardy usyndy. Olardy naqty sheshý úshin Prezıdent mańyzdy bastamalardy usynyp otyr. Qoǵamdaǵy turaqtylyqty saqtaı otyryp, ekonomıkany josparly túrde damytý arqyly Elbasy atalǵan kúrmeýi qıyn máselelerdi sheshýdiń negizin nyq qalyptastyra bildi.
Qazaqstannyń ustanyp otyrǵan joly – azamattarymyzdyń ál-aýqatyn josparly arttyrýdyń, turaqty qoǵam qalyptastyrýdyń, ortaq maqsattarǵa qol jetkizýde kúsh-jigerdi biriktirýdiń joly.
Serik BEKTURǴANOV,
Senat depýtaty
