Elbasynyń sońǵy Joldaýlary ekonomıkalyq salalarǵa baǵyttalsa, ıdeologııalyq jaǵynan «Rýhanı jańǵyrý» baǵdarlamasynyń oryny erekshe.
Biz áýelden áleýmettik máselelerdi udaıy alda ustaıtyn, memlekettiń negizgi baılyǵy adam jáne onyń ómiri degen qaǵıdany berik ustanatyn áleýmettik memleketpiz. Elbasynyń úndeýi osy qaǵıdany qanshalyqty ustanatynymyzdyń dáleli deýge bolady.
Elbasy óz sózin naýryz aıynyń kóptegen jaqsylyqtarmen bastalatyndyǵymen baılanystyryp aıtty, kóptegen merekelermen qatar halyqtyń rýhyn kóterip, erteńgi kúnge degen zor senim uıalatatyn, naqty bes áleýmettik bastama kóterdi. Ol bastamalardyń barlyǵy jan-jaqty qarastyrylǵan, ári oryndalatyny anyq ekendigin naqty aıtty. Atalǵan bes bastamanyń barlyǵy ózekti, degenmen halyqtyń erekshe kóńilinen shyqqan, kókeıine qonǵan turǵyn úı jáne onyń qol jetimdiligi boldy. Qazaq «úıi bardyń kúıi bar», degendeı baspanasyz bosyp, saryla kezegin tosyp, ózgeniń bosaǵasyn syǵalap júrgen qanshama jastarymyzdyń úıli-kúıli bolýyna zor múmkindik týyp otyr.
Eleń etkizer jańalyqtyń biri tómen aılyq alatyndardyń jaǵdaıynyń eskerilgendigi boldy. Jalaqyny arttyrý úshin kórsetilgen salyq júktemesin keler jyldan bastap 10 esege azaıtý kerektigi sóz boldy. Iаǵnı, keler jyldan bastap eń tómengi eseptik kórsetkishtiń 25 eselengen kóleminen az jalaqy alatyndardyń jeke tabys salyǵy 1 paıyzdy ǵana quraıtyn bolmaq.
Elbasy eshqashan jas urpaqtyń sapaly bilim alý máselesin nazardan tys qaldyrǵan emes. Ádette bólinetin 54 myń bilim grantyna qosymsha 20 myń grant bólýdi, sondaı-aq jataqhana jetispeýshiligin joıýdy myqtap qolǵa alynatyny aıtyldy. Jastarymyzǵa mundaı zor múmkinshilikti tolyǵymen paıdalanyp, jaıly jerde turyp, jan-jaqty bilim alýǵa orasan múmkindik týyp otyr.
Nursultan Nazarbaev sońǵy baǵytta el óńirlerin gazben qamtýǵa erekshe kóńil bólgen. Ári, onyń 1,5 jyl ishinde sheshimin tabý kerek ekenin basa aıtty. Belgili bolǵandaı, bul bastama elordadan bastaý alyp, elimizdiń qalǵan óńirlerine jol tartpaq. Bul óz turǵysynda eldegi jylý máselesin ǵana emes, birqatar ekologııalyq máselelerdiń de sheshim tabatyndyǵyn meńzeıdi.
Elbasy sóz basynda bul bastamalardyń kópten kókeıde bolǵanyn aıtyp, al búgin sony júzege asyrýǵa jaǵdaıymyzdyń tolyq múmkinshiligi bar ekenin alǵa tartty. Osynyń ózi ár nársege sabyrmen qarap, baısaldylyq tanytsaq memleket birinshi múmkinshilik týǵanda birden halyqtyń jaǵdaıyn jasaýǵa kirisetindigin kórsetti. Bul josparlardyń barlyǵynyń júzege asýy – ol eldegi turaqtylyqpen tynyshtyq, ultaralyq kelisimmen el birliginiń jemisti nátıjesi. Bastysy osy ıgilikterdi júzege asyrý úshin baltalasa da buzylmaıtyn birligimiz bolýy kerek.
Kez-kelgen damyǵan elderde mundaı áleýmettik máseleler aldyńǵy qatarǵa qoıylyp, sheshimin tapqan. Al sol damyǵan elderdiń ortasynan oıyp turyp oryn alý úshin, osy jolǵy úndeý el turǵyndarynyń áleýmettik ál-aýqatyn arttyrýǵa baǵyttalyp otyr.
Biz búgingi birligimizdi, el retindegi eldigimizdi saqtaı alsaq, eldiń erteńi úshin aıanbaı qyzmet etetin ult bola alsaq osy josparlardyń barlyǵy shúbásiz belgilegen ýaqytta júzege asatyndyǵyna senim mol.
Baǵzat AQJOLOV,
S.Ǵylmanı meshitiniń naıb ımamy
