«Aıagóz aýdany ákiminiń ókimimen Aıagóz qalasy boıynsha tótenshe jaǵdaı jarııalandy. 3 avtokólik, 5 jaıaý júrginshi ótkeli men 20-ǵa jýyq úıdi erigen qar men jaýyn shashyn sýy basyp qaldy. Sý alǵan úılerden 400 adam qaýipsiz jerge kóshirildi. Onyń 30-y bala. Turǵyndar Aıagóz qalasynyń qazaq mektep-lıseıine, №6 orta mektep-ınternatqa jáne týystaryna ornalastyryldy.
Tótenshe jaǵdaıdyń saldaryn joıý maqsatynda jergilikti atqarýshy organ, tótenshe jaǵdaı bólimi, aýdandyq ishki ister bólimi, temirjol mekemeleri, aýdannyń kommýnaldyq mekemeler qyzmetkerleri jáne turǵyndar arasynan eriktiler jumys isteýde. 200-den astam adam, 11 arnaıy tehnıka, 20 avtokólik, 3 motopompa jumyldyryldy. Zardap shekkenderge aýdandyq medısına qyzmetkerleri men alǵashqy kómek kórsetilýde. Qaza tapqandar joq», - delingen aqparatta.
Azamat QASYM,
«Egemen Qazaqstan»
Shyǵys Qazaqstan oblysy, Aıagóz aýdany
Sýretter oblystyq Tótenshe jaǵdaılar departamenti baspasóz qyzmetinen alyndy
