Jastardy jasampazdyqqa bastaıdy
О́tkende Elbasynyń «Bolashaqqa baǵdar: rýhanı jańǵyrý» baǵdarlamasy aıasynda respýblıkalyq jastar aksııasy bastaý alǵan bolatyn. Sol aksııa aıasynda Shetpedegi B.Jumalıev atyndaǵy orta mektepte «Rýhanı jańǵyrý – jastarmen birge!» atty patrıottyq jıyn ótti. Jıynnyń maqsaty – mektep jastary men jas mamandaryna «Týǵan jer» jáne «100 esim» memlekettik baǵdarlamalaryn túsindirý men jastar saıasatyn nasıhattaý bolyp tabylady.
Jıynda mektep basshysy Seıitjan Safıev «Rýhanı jańǵyrý» baǵdarlamasynyń oqýshylar tárbıesindegi róli» Ǵ.Jumashbaeva «Oqýshylar rýhanııaty basty orynda» baıandamalaryn ortaǵa salsa, ardager ustaz A.Qurmashev: «Bizdiń basty uranymyz – rýhanı jańǵyrý. Sondyqtan Elbasynyń der kezinde jarııalaǵan baǵdarlamasy men úshin mańyzdy bolyp otyr. О́ıtkeni men osy rýhanı jańǵyrýdyń barlyq satysynan ótken adammyn. Elbasynyń «Týǵan jer», «Janyńda júr jaqsy adam», «Rýhanı qazyna» baǵytyndaǵy jobalary kóńilge qonymdy» dedi.
Álııa NURBERGENQYZY
Mańǵystaý oblysy,
Mańǵystaý aýdany
Jańa mazmunmen jańǵyrdy
Ǵasyrǵa jýyq tarıhy bar elimizdiń bas basylymy «Egemenniń» ár sanyn asyǵa kútip otyratyn san myńdaǵan oqyrmannyń birimin. Jarııalanǵan materıaldardy tushynyp oqyp qana qoımaı, gazet tigindilerin jınaqtap otyrýdy da ádetke aınaldyrǵanmyn.
Erterekte zııaly azamattardyń: «Pravda» gazetin bes jyl oqyǵan adam bir ýnıversıtet bitirgenmen birdeı» dep aıtqandaryn talaı ret estigen edik. Muny eske alyp otyrǵan sebebim, gazet qaı qoǵamda bolsa da mańyzdy ról atqarady.
Kóziqaraqty oqyrmandar ańǵaryp júrgen de bolar, zamana talabyna saı gazettiń formaty da ózgerip, mazmuny baıı túsýde. Túrli qyzyqty materıaldardy osy basylym betinen oqıtyn boldyq. Qansha resmı degenmen de, jańa basshylyq, kil saıdyń tasyndaı jas jýrnalıster oqyrmandar talabyn eskerip, jańa mazmun men format tabýǵa umtylýda. Sonyń dálelindeı, gazettiń kezekti sanyn bir demde oqyp shyǵasyz.
Baıyrǵy oqyrman retinde aıtarym, ult maqtanyshyna aınalǵan zııaly azamattardyń bizge belgisiz qyrlary jaıly jazylǵan dúnıelerdiń jıi berilip turýyn qalar edik. Tanymdyq materıaldardy da kóptep oqyǵymyz keledi.
Káribaı ÁMZEULY,
zeınetker
Ońtústik Qazaqstan oblysy
Aýyl sahnasy qaıta salynsa deımiz
Men gazetterińizde ótken jyldyń qyrkúıeginde jarııalanǵan «Ərtisterden qatty qysyldyq» atty maqalamda aýyldyq klýbymyzdyń qaıta salynýyn ótinish etip jazǵan edim. Osy maqalam arqyly aýyldyq okrýg əkimdigi kúrdeli jóndeý jasap beremiz dedi. Biraq bul mekemege kúrdeli jóndeý jasaǵanmen jaǵdaıy jaqsarmaıtynyn aıtyp edik, buǵan eshkim moıyn burǵan joq.
Aıazdy kúnderde klýb mekemesine baryp jumys jasaý múmkin emes. Bizdiń mekememizdiń qabyrǵasy 1980 jyly qalanǵan. Ǵımarattyń salqyndyǵynan aýyl əkimi jınalysty mektepke baryp ótkizip júr. Aýyldyq klýb bolǵan soń bizdiń mindetimiz – jastardy ónerli, tərbıeli etip shyǵarý, ənshi bolamyn, bıshi bolamyn degen talapty jastardy bıikke kóterý, ıaǵnı halyq shyǵarmashylyǵyn damytý. Joǵarǵy oryndardan suraıtynym – Qarashalań degen kıeli jerdiń sahnasyn qaıta salýdy qarastyrsa eken deımin. Jəne qaıta salǵansha osy sózimdi qaıtalaı beretinimdi de aıta keteıin. Damyǵan zamanda armannyń oryndalatynyna senemin. Osy arman oryndalǵan kezde súıinshi habardy aldymen sizdermen bóliskim keledi.
Aıgúl KÚZENOVA
Qyzylorda oblysy,
Aral aýdany
Sózden isim myǵym bolýy tıis
Ár adamnyń júreginde óz Otany turýy tıis dep oılaımyn. О́ıtkeni Paýstovskıı: «Adam júreksiz ómir súre almaıtyny sııaqty, otansyz da ómir súre almaıdy» degen.
Men Batys Qazaqstan oblysynyń Han Ordasy aýylynda turamyn. Han Jáńgir ashqan mektepte bilim alamyn. Bul biz úshin úlken qýanysh ári zor jaýapkershilik júkteıdi. Sol mektep qabyrǵasynda júrip-aq, biz óz Otanymyzǵa kishkene bolsa da óz úlesimizdi qosýdamyz dep oılaımyn.
Men elimniń órkendeýi úshin úsh túrli qaǵıdany esten shyǵarmasam deımin. Birinshiden, óz Otanymnyń patrıoty bolýym kerek. Ol úshin ómir súrýge umtylýym kerek, Ata Zańymyzda aıtqandaı «Memlekettiń basty qundylyǵy adam» ekenin este saqtap, ómir súrýge degen qulshynysymdy arttyramyn. Sondaı-aq ónegeli otbasyn quryp, deni saý, sanaly urpaq tárbıelesem eken. Ekinshiden, tereń bilim men tynymsyz eńbek qajet. Dúnıejúziniń aldynda qazaq balasyn «bilimi men aqyly eki jaqtan» alyp shyǵar bolsa, qandaı baqyt? Sózden isim myǵym bolýy úshin eńbektenemin. Úshinshiden, árıne, áleýmettik sala men el ekonomıkasynyń damýy úshin eńbek etsem deımin. Men elimniń bolashaǵy úshin óz úlesimdi qosýǵa daıynmyn jáne meni el bolashaǵymen baılanystyrar osyndaı asqaq armandarym bar.
Borash GÚLHAN
Batys Qazaqstan oblysy
Mamandyǵynyń kásipqoıy bolýy kerek
Tárbıeshi bolý óte jaýapty jáne qurmetti is. О́ıtkeni ol – meıirimdi, qamqor, qaıyrymdy, balany jáne ata-analardy tyńdaı alatyn, óz keńesin bere alatyn, eń bastysy – óz isiniń kásipqoıy bolýy kerek.
Tárbıeshiniń mindeti – otbasy ishindegi qarym-qatynasty nyǵaıtý, otbasyndaǵy balanyń rólin anyqtaý. Osy mindetterdi sheshý úshin ol ata-analardyń balabaqshamen belsendi yntymaqtastyǵyna shaqyrady. Búgingi tárbıeshi qazirgi zaman adamy bolýy qajet, oqýǵa qabiletti, óskeleń urpaqty qazirgi zamanǵa beıimdep tárbıelep, bilim berýde jańa ádisterdi qarý retinde qoldana alatyn bolý kerek.
«Biz bárimiz balalyq shaqtyń aýylynanbyz», biraq bul sıqyrly álemdi umytyp, kóbinese óz balalarymyzdy da túsine bermeımiz. Al tárbıeshi bolsa balalyq shaq áleminde máńgilik qala beredi.
Pavlodar qalasy №35 sábıler
baqshasynyń eresek «B» tobynyń ata-analar komıteti
