Qymbatqa baǵalanǵan múıizi soryna aınalyp, talaı qaskóıler ashkózdikpen qyrǵany sonshalyq, kezindegi úıir-úıir kıikterdiń shoǵyry kózden bul-bul ushty. Bıyl ǵana kıikter Inder aýdanynyń aýmaǵyna kele bastady. Mamandardyń sózderine sensek, qazir aýdan kóleminde myńnan astam kıik tirshilik etedi.
– Elimizde kıikterdiń shoǵyry Betpaqdalada, Ústirt, Oral aımaqtarynda shoǵyrlanǵan. Byltyrǵy sanaq boıynsha elimizde 152 myń kıik esepke alynsa, sonyń jartysynan kóbi osy batys óńirinde. Memlekettiń qamqorlyǵy nátıjesinde kıikterdiń basy kóbeıe bastaǵasyn jańa qonystarǵa shyǵýda. Osyǵan saı negizgi shoǵyry bolǵan Batys Qazaqstan oblysy kóleminen Inder aýdany aýmaǵyna kıikter qonys aýdara bas-
tady. Olardy qorǵaýǵa basa nazar aýdarylyp otyr, – deıdi «Ohotzooprom» respýblıkalyq memlekettik kásipornynyń bólim basshysy Nurbek Bekmanov.
Atalǵan mekemeniń ǵylymı qyzmetkeri Baqtııar Táshenov te dala taǵysyn qorǵaýǵa mekemeniń múmkindigi kúsheıtilgenin aıtady. Mysaly, «Ohotzooprom» respýblıkalyq memlekettik kásipornynda basqa mamandardy eseptemegende 250 ınspektor jumys isteıdi, jol talǵamaıtyn qazirgi zamanǵy kólikter alynǵan. Ushaq pen tikushaqtar da baqylaýǵa paıdalanylady. Kıiktiń kartasy jasaqtalyp, júrip ótken jerleriniń bári qadaǵalanyp otyr.
Taǵy bir jaıt – elimizdiń batys ólkesinde qara qasqyrlar kezdese bastaǵan. «Bul kezinde Kavkaz jaǵyndaǵy soǵys qımyldarynyń zardabynan bizge qaraı qonys aýdarǵandary bolýy kerek. Olar kóbi keri ketkenmen jergilikti qasqyrlarmen shaǵylysyp qalǵandary da bar», deıdi B.Táshenov.
Salamat BAZARBAEV
Atyraý oblysy
