Astana ákimi Áset Isekeshev atalǵan baǵytta jasalyp jatqan jumystar týraly aıtyp berdi.
«Búgin jumys toby qurylyp, úsh iri JOO-men jumysty bastap kettik, jer ýchaskesin de anyqtap qoıdyq. Bastysy, olar oqý ǵımaratynan alys emes bolýy kerek. Qazir barlyq kolledjdiń basshylarynyń usynystary tyńdalyp, olardyń jataqhana qurylysyn salýda qandaı talaptary baryn tyńdaımyz. Taıaý arada biz Astanadaǵy JOO men kolledjder úshin jataqhana qurylysyn salýdyń naqty baǵdarlamasyn ázirleýimiz qajet», – dedi ákim.
Sonymen qatar eńbek naryǵyn esepke ala otyryp, uzaq merzimdi perspektıvaly básekege qabiletti mamandar daıyndaý úshin jumyspen qamtýdyń saıasaty qarastyrylyp jatyr.
«Tórtinshi revolıýsııalyq ónerkásip sharty boıynsha basymdyq tehnıkalyq mamandyqtarǵa beriledi. Jańa áleýmettik saıasatta ınnovasııany damytý salasyna kóptep grant bólýdi qarastyryp otyr. Onda aqparattyq tehnologııa, robototehnıka, nanotehnologııa salasynda kadr daıyndaýǵa kóp den qoıylady. Adam kapıtalyna quıylǵan osy strategııalyq tapsyrma, zamanaýı álemde básekege qabiletti, jańa qazaqstandyq ekonomıkany jasaıtyn qýatty resýrs bolmaq», – dedi Áset Isekeshev.
Búginde astanada ınnovasııalyq ekojúıe de qarqyndy damyp keledi. Osyǵan oraı, tehnologııalyq kásipkerlikke dem berý úshin, iri ǵylymı jáne bilim berý ortalyqtary qurylýda.
«Nazarbaev ýnıversıtetiniń bazasynda ǵylymı-zertteý jobalary men ınnovasııalyq sheshimderdi damytý úshin barlyq jaǵdaı jasalǵan. О́tken jyldan bastap astananyń barlyq mektepterinde robototehnıka páni engizildi. Memleket basshysynyń tapsyrmasyn júzege asyrý maqsatynda tegin kásiptik-tehnıkalyq bilim engizý, kolledjderde 4 myńnan astam stýdent oqýda, bul jumysshy mamandyqtyń 40 % quraıdy», – dedi Áset Isekeshev.
«Shar qurylys» JShS bas dırektory Janna Bektemirova baıandamasynda Memleket basshysynyń stýdentterge arnalǵan jataqhana qurylysy týraly bastamasyn qoldaýǵa daıyn ekendigin bildirdi.
«Búginge deıin bizdiń kompanııa eń ozyq múmkindikterdi paıdalana otyryp neshe túrli sáýlettik úlgimen stýdentter qalashyǵyn jobalaý men qurylysyn jasap keledi. Munyń bári de jańartylǵan qurylys tehnologııasynsyz, zamanaýı qural-jabdyqtarmen men ǵımaratty jobalaýda aldyńǵy qatardaǵy ádisterdi paıdalanbaı múmkin emes», – dedi Janna Bektemirova.
