Qazirgi tańda Qazaqstan Úkimeti Prezıdenttiń bastamalaryn júzege asyrý boıynsha jol kartasyn jasady.
Nursultan Nazarbaev atap kórsetkendeı, Qazaqstan óz múmkindikterin tıimdi paıdalanýy tıis. «Qazaqstan – bizdiń ortaq úıimiz» ıdeıasy baýyrlas eldiń damýyna tyń serpin beredi.
Prezıdenttiń áleýmettik bastamalary ábden zerdelenip, zerttelip baryp jarııalanǵany anyq baıqalady. Bul másele boıynsha bilikti mamandar tyńǵylyqty jumys istegeni kórinip tur. О́ıtkeni atap kórsetilgen bes basymdyq boıynsha negizgi maqsattar men olardyń oryndalý merzimi, atalǵan mindetterdiń qarjylyq aýqymy naqty kórsetilgen. Máselen «7 – 20 – 25» baǵdarlamasyn qarastyratyn bolsaq, munda qazaqstandyqtardyń ıpotekalyq nesıeni 7 paıyzdyq mólsherde 25 jylǵa ala alatyny, alǵashqy jarna 20 paıyzdy quraıtyny naqtylanǵan. Bul ıpotekalyq nesıeniń aı saıynǵy tólemin edáýir tómendetedi.
Úshinshi áleýmettik bastama boıynsha «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý» isine de qatysty naqty mindetter kún tártibine shyǵarylyp otyr. Qazaqstan Prezıdenti bilim sapasyn jáne oǵan qoljetimdilikti arttyrý maqsatynda jyl saıynǵy 54 myń grantqa qosymsha 2018-2019 jylǵy oqý jylyna 20 myń grant bólýdi tapsyrdy. Bul – áleýmettik mańyzy zor aýqymdy joba.
«Eldi gazben qamtamasyz etýdi jalǵastyrý» jónindegi bastama da áleýmetke kóterińki kóńil-kúı syılaýda. Táýelsizdik jyldarynda Qazaqstanda gaz jetkizý kólemi 8 mıllıardtan 52 mıllıard tekshe metrge deıin ósti. Biraq bul jetkiliksiz ekeni anyq. Eldiń ortalyq jáne soltústik aımaqtary áli kúnge gazsyz otyr. Osy oraıda Prezıdent eldi gazdandyrý jónindegi jańa bastamasyn kún tártibine shyǵardy. Bul bastama boıynsha 2,5 mln adam gazben qamtylatyn bolady. Bul óz kezeginde shaǵyn jáne orta bıznestiń damýyna ári ekologııalyq jaǵdaıǵa oń yqpalyn tıgizetini sózsiz.
Endi Prezıdent Nursultan Nazarbaev kún tártibine shyǵarǵan mindetterdi júzege asyrý úshin el Úkimeti tyńǵylyqty jumys isteýi tıis. Men Memleket basshysy alǵa qoıǵan mindetterdi qazaqstandyqtardyń qarqyndy túrde eńseretinine senemin.
Elhan ShAHINOǴLY,
saıasattanýshy (Ázerbaıjan)
